冬至咁暖,今年既農曆新年一定會好凍?

(photo via cc Flickr user Ding Yuin Shan)

 

繼上一次講「差不多冬至一早一晚還是有雨」之後,最近既天氣話題,莫過於係:冬至咁暖,根據民間智慧,今年既農曆新年一定會好凍喇!係真唔係呢?其實我地又可以去天文台搵D DATA睇睇。點樣做上次已經講過,今次我地就唔再多講喇。

 

圖1:係過往咁多年冬至既溫度。咁多年既平均值係大約十七度,最低係八度試過,但廿二度都一樣試過。其實都真係有高有低既,有好幾個年都有好似今年咁高過廿度既例子,咁係咪就代表之後既農曆年會低溫D呢?

 

圖2:為左更客觀咁反映農曆新年間既氣溫,呢度我將大年初一至到年初四既氣溫取左一個平均數。就咁驟眼望落去,似乎唔覺可以同冬至既氣溫扯上一個明顯既關係喎。

 

但係我地都嘗試鍥而不捨一下,於是就有圖3。

圖3:其實只不過係將以上兩條數,同時畫埋一齊,睇得會清楚D咁解。由於農曆年係冬至之後過年,所以理論上都應該將農曆年粒數推前番一格去比較,先可以進行到呢個民間智慧既驗證。但結果都係無咩野睇到,慘慘。

 

圖4:索性做埋個SCATTER PLOT。將兩個時間既氣溫都減以佢地既平均值,即係正值代表比平常熱,負值就比平常凍(不考慮全球暖化出現結構上趨勢改變)。睇完,可以死心喇掛。統計學上真係見唔到有咩關聯性。而且個CORRELATION都低到唔想提,可以收隊啦喎。

 

咁以上數字,都係僅供參考架唶,偽科學既野,大家睇過就算,唔駛太上心架~(頭盔)我都明白大家餓左冬天咁耐,都好想新年凍D既果種滋味既,起碼可以食下熱野都好FEEL D。不過新年如果凍,花農就真係多得個天唔少鳥。LOL

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 150492
Date: 2017-01-12 16:27:25
Generated at: 2021-09-23 04:58:23
Permalink: https://www.vjmedia.com.hk/articles/2017/01/12/150492/冬至咁暖,今年既農曆新年一定會好凍?