我地細個連線玩Winning 同C&C 嗰陣,係「吱吱吱嘟——」一輪先有得玩. . . . . .

 

依家上網連線打機,要幾快有幾快都叫做暢通無阻,仲要進化到有專用鍵盤同滑鼠。我地以前要打ONLINE GAME,就痛苦咯:

首先就係「吱吱吱嘟——」,以前仲係用56K MODEM上網既,速度慢都況且唔好睇提啦,最大劑既係要霸左一條電話線!

屋企你有家姐或者一位師奶,果時既電話線等同生命線,係無人能阻既。阻住佢地打電話,隨時會有殺身之禍。而就算俾你上到網,又如何,突然有人想打電話,一拎起個聽筒,你就會斷線,於是又會聽到:

 

(開喇叭睇,真係有聲)

 

「吱吱吱嘟——」既聲係電話傳出黎,你想爆粗,都已經太遲。又等定俾TEAM MATE鬧死。你自己DROP GAME唔緊要,如果要成個GAME RESTART,就真係灰到無朋友!等下星期上堂俾死黨黑你面啦。

有D人果陣既屋企仲有CALL WAITING既話,仲大煲,人地一打電話黎你就斷線。我問你點打?不如玩單機版其實自己一個更開心好過啦。

OK,我俾你以上問題都解決晒,但你都仲有PNET要俾。咩係PNET?如果我無記錯,用電話撥號上網,原來要俾錢。好似係一個鐘兩個半定點。你就算無限上網百幾蚊包晒,隨時上網費都係最後變天文數字,帳單一出,又俾阿爸阿媽(真人,大大佬)追斬。

同埋果陣既電腦,WELL,你係不可能成日換機的。於是除左玩超頻之外,好多時你都又要費盡心血熄晒D EFFECT,NO SOUND,甚至SET FRAME RATE。然後又要閂晒D唔等洗既軟件,甚至每次打機都要RESTART電腦一次,強制較虛擬記憶體,目的都係為左可以開到個GAME,而唔係ERROR: NOT ENOUGH MEMORY。。。

寫完以上先知,果陣打鋪機,原來好辛苦架。。。

依家好啦,咩都應有盡有啦。連AOC都出HD可以用STEAM啦,太高級啦!唔駛再驚用ROUTER搵唔到IP又要搞呢樣果樣啦。但係回頭一睇,就已經搵唔番以前堆朋友啦。個個唔係掛住溫女就掛住湊仔。呢個咪就係人生囉。

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 150790
Date: 2017-01-15 15:54:24
Generated at: 2021-10-21 22:38:20
Permalink: https://www.vjmedia.com.hk/articles/2017/01/15/150790/我地細個連線玩winning-同cc-嗰陣,係「吱吱吱嘟-」