陳茂波做財爺——會計仔都有出頭天,芝大博士傻強都要靠邊站!

(政府網站圖片)

 

你地成日都話做會計無出息,好喇,今日呢個傑出香港人系列,就正正證明係錯既。做ACCOUNT,都有出頭天既。阿媽我得左喇。講番波叔,佢甚至連BIG4都唔係,咪一樣上位做到財爺手握香港財金大權?傻強係芝大博士,入政府前係香港科技大學工商管理學院院長,SO WHAT,咪一樣要輸?隨時下任無得留低添呀,陰公~

波叔過往功績無乜,民望又差,但有人撐,就係掂。係辦公室既你,係咪遇過好多呢種咁既「蝦星人」(唔知典故自己去搵),覺得熟口熟面,錯就有份犯,鑊就無份揹,然後職就叫升呢。佢比較為人熟悉既,都係同自己既醜聞有關,包括涉嫌醉酒駕駛啦,不小心駕駛啦,涉嫌經營劏房及避稅啦,搞東北發展計劃又有利益衝突啦,涉嫌誹謗啦(不過都俾佢打甩左)。都話架啦,做人真係唔好咁好記性呀。

波叔成功接棒,明顯睇到一樣野就係,政府最上爭既內鬥真係比想像中嚴重好多倍。難得依家林鄭同鬍鬚都走左,689雖然都係明日黃花,但係幾個月臨尾貨仔,佢都要鍊到最後一刻,充份顯示佢既好鬥性格。所以強哥係FS果邊既,死都唔會俾佢有位上。波叔等副司長咁耐,無得做,依家有正印財爺玩,仲有成個BUDGET任佢舞,今鋪發達喇。但我相信好多香港人都唔會理,佢癲起上黎,後果可以好嚴重。

唔緊要啦,下個月先財政預算案,今朝有酒今朝醉既野,好多香港人都明架啦。究竟波叔會玩D乜呢。呢次真係財政司司長全面配合689施政,咁多年黎真係史無前例呀。始終個故仔都好勵志既,大家以後OT都唔好嘈喇,死做爛做啦一於。你隨時可能可以做第二個波叔架。LOL

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 150865
Date: 2017-01-16 15:24:30
Generated at: 2021-09-20 16:23:10
Permalink: https://www.vjmedia.com.hk/articles/2017/01/16/150865/陳茂波做財爺-會計仔都有出頭天,芝大博士傻