《武狀元蘇乞兒》載譽歸來

 

話說當年,蘇察哈爾燦得罪權貴,仲要考武舉作弊斷正。本來依法都唔足以治其大罪,只係抄家啫。不過「皇上出到聲嘅,要加碼梗係得啦!」臨時加一條專門針對佢嘅罰法,要蘇燦父子一世行乞。本嚟蘇氏父子都仲可以坦然面對,遣散家眷僕人之後,仲識「笑住走」。而且蘇燦雖然目不識丁,但係武藝過人,街頭賣藝都仲搵到食嘅。點知又有趙無極出嚟要「按本子辦事」,奪其生財工具之餘,更將蘇燦打成重傷,手腳經脈盡廢。蘇燦自此意志消沉,真正淪為乞衣。

後嚟廣東候補知縣包龍星上京告御狀,要告水師提督常昆之子常威殺害戚家上下十三口,本嚟拎住父親半嚿餅做信物,以為搵到當年老豆救過嘅刑部尚書花大人,就可以告到御狀。點知原來花大人同常昆都係沆瀣一氣,結果唔止要「請公子食餅」,仲掉佢哋去街邊乞食。盤纏將盡嘅包家叔姪打算喺京城做咕喱,就有官差嚟驅趕;去廟前賣香燭,又有差人嚟搗亂,餓足三日三夜之後,兩叔姪一個真係去行乞、一個就入錯妓院食霸王餐,仲因而將家傳《青天秘笈》唔小心燒咗。

咁嘅劇情,可能已經有人睇到識背。不過,原來喺2017年嘅香港,竟然會有人收到食環處通知,大意為「依家政府估你會年宵搞港獨,廢事有班人嚟反對你期間整親啲老人家,依家收返你個檔口位,唔准你開檔」云云。仲要係開檔之前幾日先講,驚死你唔蝕埋貨款咁。

當我馬後炮講一句,自從2014年之後有班畀差人抄過個人資料嘅人入唔到澳門,都可以預見到會出現今日呢種濫權鬧劇。唔畀你入澳門,只係試水溫,睇下有冇反應;冇,咪再搞大啲囉,例如派人跟蹤梁天琦、追打梁天琦;又冇咩事喎,咁又巧立名目嚟剝奪你哋政治權利啦~哎呀原來玩到底仲有「本土光譜」嘅人網上聲援添。咁就不妨玩大佢喇:

你擺年宵我就臨開檔收你牌,冇得賣仲要你蝕一筆;你開辦事處咩?我日日叫差佬去門口查人身份證囉;你退出政壇賣隱世芝士海膽熱狗咩?食環唔發牌喎;你唔賣嘢食嘞,個舖位咪會無啦啦著火,一查就三五七年咁囉;你賣樓移民唔再留喺度?唔好意思,間屋因為有港獨份子住過一早就釘咗契;至於你出唔出到境呢個就後話啦,但唔寫包單架~

到咗今時今日仲要日日問 When fight,仲要覺得兩梁一游再加姓陳姓賴姓中出嘅全部係搞事抵死嘅,或者仲信埋啲唔知點嚟嘅皇天金翅鳥會打救香港嘅,仲去玩清黨清派嘅,我真係恭喜你呀!

 

 

作者:薰華

薰華
塵世中一件無名廢青,除咗偏見同口水就冇嘢多。

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 151114
Date: 2017-01-20 03:54:10
Generated at: 2021-06-13 13:17:47
Permalink: https://www.vjmedia.com.hk/articles/2017/01/20/151114/《武狀元蘇乞兒》載譽歸來