自己都未搞掂,點解仲要諗生仔?

 

(photo via cc Flickr user Blowing Puffer Fish)

 

「而家啲樓真係好貴,所以阿媽提議我哋早啲結婚生仔排公屋。」Ricky說。
「吓?你咁講即係咩意思?當係求婚呀?」Crystal無奈地說。
「唔係,咁三個人真係排得快啲嘛,我哋可以租住屋先,邊住邊等。」Ricky說。
「你知唔知租屋一個月幾錢?成份糧無咗一大半呀!同幫人供樓無分別,而且公屋唔係話排就排到。」Crystal說。
「咁都無辦法,你都知我哋嘅人工係儲極錢都唔會夠買首期,而且老人家都想抱孫。」Ricky說。
「其實我哋自己都未搞掂,點解仲要諗生仔?」Crystal說。

情侶拍拖一段時間後,很自然會希望有多點二人世界的時間,但家裡總有父母或兄弟姊妹,也不好意思經常去,唯一辦法就是結婚或同居。可是住屋方面是一大煩惱,想買樓,首期是天價;想租屋,租金也很貴。可以想像到扣除每月租金、水電煤、交通費、家用、飯錢、娛樂費及雜費後,可能已所剩無幾,不但不能儲錢,還可能負錢,要用儲蓄來填補。如是者每月過著入不敷支的生活,即使你有十幾二十萬積蓄,其實也很快用完,那還怎樣撐到排到公屋?

的確,二人結婚後如果生小朋友,便可以三人排公屋(懷孕滿16星期或以上胎兒可作一名家庭成員計算),聽聞三人是比二人排得快,可是你永遠也不會知道排到何年何月。你夠雙非可憐嗎?他們一來港便可找社工或議員幫忙,要多慘有多慘,你一定鬥不過他們的,公屋都是他們的囊中物。而且排公屋不能超入息,即是其中一人要辭掉工作或轉兼職,我實在看不到萬多元的人工怎樣能照顧一家三口和付租金。一個孕婦每天擔心會否不夠錢交租全家瞓街,擔心何時才有公屋,擔心小孩能否順利產出,因為如果不幸小產,便要由二人家庭從頭開始再排,相信很快便會有產前抑鬱。

只能說為排公屋而生小孩是無稽之談,因為二人租屋已很「手緊」,公屋又難排,既然自己也還未照顧好,為何還要生小朋友呢?這樣只是不負責任的行為。當然也有人說:「如果要等準備好先做,咁乜都唔使做啦!」在我看來,至少二人心理上都要準備好,有共識、住屋穩定,錢方面雖則可以平有平養,但至少要夠生活,不用四出求助。

其實兩個人組織家庭生小朋友這麽辛苦,倒不如各自在父母家住,閒時還有錢去旅行,不用做樓奴,又不用為小孩而擔心,輕鬆多了,要知道養和教一個小朋友真的不容易。又或許做女兒真的太幸福,回家說餓便有飯吃,不用做家務,下班是真的下班,可以做自己喜歡的事,放假可以和朋友到處玩,閒時和愛人去旅行,不用交租的話,錢真的鬆動很多。雖然雙方父母可能會很傷心,不能享孫福。

生與不生真的無分對錯,最重要是二人達到共識,今晚不妨和另一半好好討論這個題目吧。

 

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 151535
Date: 2017-01-25 17:43:45
Generated at: 2022-08-11 19:00:59
Permalink: https://www.vjmedia.com.hk/articles/2017/01/25/151535/自己都未搞掂,點解仲要諗生仔?