幾套我一生最重要既卡通片

 

 

我其實極愛卡通片,今日把我一生最重要既卡通片寫番出嚟,大家有興趣搵下嚟睇,包保大人都會鍾意~

 

1. 琴日翻睇《Puss in the boots》(2011)…

覺得超極好睇!小時候睇時印象就好深。

琴日再睇,先發現好多野係用西班牙文嚟講,或者說如果識西班牙文對呢套戲既了解會更好。但唔識都得,你會俾貓貓萌,翻,天就對了!!!

最後個結局亦相當耐人尋味。我會話係卡通界入邊既《小王子》,角色永遠令人有深刻印象,但大人睇既話講緊就係一生追名追利,愛恨情仇,但最後卻是發現壞人本質不壞,甚至本質是好…..某種意義是提醒我們保持初心。

我突然覺得評論界忽視左呢部卡通電影。呢部會係我想一睇再睇既戲,即使琴日睇左今日都不妨再睇,細節等鋪排得太好了!而且係難得拍貓但唔以貓為一種家居寵物既卡通。

《Zootopia》(2016)係刻意避開貓、狗等家居寵物形象太深的動物,因為怕一但有寵物,即便係配角大家都會失焦…..而《Petpet當家》(2016)則開宗明義貓狗係寵物……..

 

 

2. 我諗《五星級大鼠》(2007)(作為我人生一套好重要既戲,係我第一次一個人係睇戲,只因發家人脾氣,就好似離家出走咁…….真係推門就走,係我叛逆既里程碑。

我覺得佢都係做到呢種顛覆形象(對應上面提及zootopia及petpet兩部戲)既效果,先會最終令人一世難忘,而小朋友睇就係fantasy,大人睇就係不要以貌/身份取人——呢個道理大家出嚟社會就知道知易行難,要做得到真係要有一番修為或感悟。

 

 

3. 《麵包機漫遊火星》(1998),係一個令我對科學/科技既啟蒙,入邊講到一個愛因斯坦既助聽器有「陰謀」,原來係另一個助聽器由於曾經作為愛因斯坦既助聽器,習得其智慧,而識得同現作為博物館展品去過火星既個啲人造衞星(唔識點講中文,類似既野啦….總之就係個堆野)一齊計數,點上火星,成功上去之後,就搵番佢既助聽器朋友一齊上去。佢地討厭人類,因為人類總是推陳出新、用完即棄咁….最後佢地要發起電器革命,將所有舊款電器送上火星,發射導彈之類既野毁滅地球。

咁麵包機等、電風扇、微波爐等家用電器就成為左入邊既主角,係親人類既,佢地為左保護佢地既少主人(一個BB),於是就為左拆穿未知既陰謀下去左火星。

而入邊最令我深刻既係,由於意外地佢地帶既燃料不足,一個聖誕樹既天使,將自己用亞麻籽編成既頭髮犧牲作為燃料,甘願自己唔再靚,亦係所謂失去價值。

就係因為呢部自小睇既電影,令我好愛惜身邊既物品,我小時一起身所有我既公仔,都一定會幫佢地冚被先落床。因為我覺得佢地喺我訓覺時陪我保護我,反之我就要對佢地好。雖然我好少買唔要既野,但一旦買番嚟都真係唔會丟棄……故此我會同你講有啲衫由小學著到依家…有件上衣就係由我小四到依家的,都唔捨得丟既

如果《Zootopia》係上乘之作,咁樣《Puss in the boots》根本應該係經典。佢打破左某種想像之餘,仲做埋文學改篇,將魔豆既童話故事摻左入去!

而《麵包機漫遊火星》亦一定係…..唔單只講科技科學、人類智慧、物件一旦習得人類智慧而有情感(有啲似我地所謂AI,有段時間不是常探討一旦複製人如果有人類智慧和情感會點嗎?),仲講到犧牲同愛……呢種咁既片,竟然長年被壓在其他卡通片底下。我細個睇十九幾萬次,所以我長大冇左隻正版碟後都冇再睇過,但依家深思才發現自己點解極愛呢部既真相,諗下佢呢套野真係犀利得好誇張。

 

有小朋友既大人請你番去同你地既小朋友睇呢幾套。即使家冇小朋友呢幾套作為個幾鐘嚟講入面探討到既深度都好值得你地睇下,絕對值回時間。

 

作者:Echo

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 149501
Date: 2017-02-04 17:58:11
Generated at: 2020-10-31 18:09:50
Permalink: https://www.vjmedia.com.hk/articles/2017/02/04/149501/幾套我一生最重要既卡通片