2017年情人節前夕,我宣佈我要梳起唔嫁!(上)

最新文章綜覽 / 短篇小說

 

(photo via cc Flickr user Daniel Lee)

 

我今年三十,女人仔一個噉,香港生香港大,勁愛香港。頭髮染既唔係MK啡MK黃,而係暗綠底少少紫色highlight。返工老細唔鬧咩?做咩鬧姐!老細係我啊嘛,實係點都得嫁!

「DEE~」手機又震啦,震完又震,仲震得勁過柏金遜。一年一度既情人節,噉多位雌性動物自然係咁wtsapp嚟wtsapp去——公司grp後生啲既reception妹妹就係「Oppa約我去廸士尼」係噉叫春﹔中同grp呢就係怨毒姑婆mode on「聽講隔籬班Daisy男友打算今年情人節求婚,都唔知真定假!吹到話租架helicopter喎!鬼唔望個日打風兼落雨咩!」﹔至於親友grp就係槍口一致咁整句「喂,曾珍,我哋都知你情人節會冇人約嫁啦。要唔要加入下阿姨丈姨媽呢邊,三人行我哋OK嫁!」

噉既msg由2月頭起就睇到今日,真係睇到我把鬼火,我今日真係唔忍啦屌一聲之後打咗一句「屌你老母,我要梳起唔嫁啊!」既msg,再broadcast落曬所有grp!

部手機突然好似開咗靜音噉,唔識再震!個screen一沉,仲變咗做黑色,黑過黑提個隻啊!我第一下係心諗,唔係啊嘛,個天都要玩鳩我?我上年情人節先俾個人渣帶住個大住肚18歲妹妹走嚟同我告解,話咩「我係男人,我唔可以唔負責任」,然後激到我當堂係間高級法國餐廳眾目睽睽下叫個waiter拎枝靚紅酒嚟,成枝潑過去條仔度,同佢講「好啦,你負你既責任啦,好男人」然後自己一副想喊但唔show得出嚟既樣一身名牌噉樣轉身走,斗零踭踩地聲聲聲兇狠,唔再係「咯咯」聲,係「呯呯」聲,每下都想像緊自己踩落佢睪丸度。狠狠地噉飛咗條仔之後,就黑仔到依家……

Speed dating唔係冇試過啊,憑本人花容同談吐都輕易過關,搵到個夾既。但屌,臨上床個陣條仔竟然勁啜我條頸,仲氣喘咁話:「Angel,你啲頸紋真係可遇不可求,幼細得嚟又夠白滑。睇落唔覺,摸落唔錯,啜起先正!唔知你介唔介意,我一邊插你一邊奶你呢?」我細細聲講句「Excuse me. 」,就一嘢衝入廚房,拎起把菜刀,問返佢「你介唔介意我一路插一路奶啊?」佢即刻著返條褲,急忙拉返褲鏈,仲因為太急拉拉鏈,zip到條J定唔知蛋咁尖叫一聲,跳跳虎咁跳住走。

點解今年情人節前夕我部香檳粉紅iPhone都要玩鳩我呢?佢唔係壞撚咗啊嘛?我冇backup,冇男朋友嫁,電器壞咗我要求我個金蘭姊妹陪我去搞嫁,情人節啊情人節佢十幾廿條仔邊得閒應酬我……唉,唔理啦,唉唉唉唉唉。「DEE~」哇屌,部機震番既?乜咁邪咁靈異啊?係5cm距離觀摩咗5分鐘,先發現根本就冇壞。

不過恐怖啊,所有grp都停止運作噉,唔講我仲以為係地球停轉日啊。睇下唯一一個msg,23:59 係家姐send既,「呀妹,你冇嘢啊嘛?梳起?邊個幫你梳啊?你成隻遠古恐龍噉,唔怪得你條仔寧可中出個18歲卜卜脆都要係plan緊結婚既嗰年飛咗你啦~」

 

(待續)

 

作者:Echo

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 152666
Date: 2017-02-10 06:36:39
Generated at: 2020-09-22 12:03:29
Permalink: https://www.vjmedia.com.hk/articles/2017/02/10/152666/2017年情人節前夕,我宣佈我要梳起唔嫁!(上)