鼓勵母乳餵哺,要去到咁盡?而家是咪佢係男仔就唔洗幫佢諗「兒童色情」呢個課題?

 

 

蓮燈,丫唔係,係連登瘋傳呢張相,聽講係澳門母乳協會搞嘅相片展覽,話係鼓勵母乳餵哺,圖中小男孩,我有網友話係五歲零九個月。

母乳餵哺,係好過食牛奶羊奶豆奶乜奶,呢個係健康常識,因為人係人、牛係牛、羊係羊、豆係豆,牛羊豆嘅蛋白質,對B來講都可能致敏,而且母乳有抗體,食人奶唔需要加熱加工,入面嘅抗體唔會分解,可以俾BB 用來抵抗疾病,很好,好過奶粉很多。

不過問題就係,係呀,母乳很好,但鼓勵母乳餵哺嘅組織呢?佢地嘅行為,其實有時都幾發人深省。

 

好似呢張相咁,如果真係要討論,第一樣就梗係講緊五歲幾,仲埋身食奶(rather than 吸奶出來俾佢自己飲),是咪對個小朋友好(尤其是係男仔好)。男仔去到呢個年紀,應該會ALERT 男女之別,五歲幾,仲行為上鼓勵佢習慣咬下咬下吸下吸下,可能我比較保守,可能我比較擔憂個男仔嘅童年生活,可能我過份憂慮,我只係會怕,當遇到佢身邊嘅同輩(同學朋友隔離屋),甚至家人以外的長輩(幼稚園MISS 乜乜乜),而個小男孩又習慣性地唔覺意有呢個柯索,咁佢從此就會被人標籤為鹹濕仔,呢個係災難性的,傷害係不可逆轉的,心理陰影面積會趨近無限大。

可能有D 前衛嘅父母,到時會覺得,人地誤解佢個金菠蘿,佢唔係咁㗎,天性唔壞㗎,只係習慣左咋,但係呢,damage is done,人生無take 2 。

有D 流派嘅鼓勵母乳餵哺人士,可能會覺得五歲食人奶係OK 的,係均衡飲食嘅一部份,呢一點下一段討論啦,但我覺得,就算五歲要食奶,都係媽媽吸左出來先俾佢用杯飲,會好好多,係講緊個行為,講緊社教化。

 

好啦,咁五歲嘅小孩(不論男女啦,雖然被討論嘅係圖中男仔吸媽媽),是咪需要食人奶。

人奶嘅營養,不外乎碳水化合物、蛋白質、脂肪、礦物質、維他命乜乜乜,其實在均衡飲食都有曬㗎喇,咁人奶相比其他飲食,唯一多左嘅,就係媽媽的抗體,初生嬰兒免疫力仲未發展得好,母乳抗體就係雇傭兵,幫佢打住外敵先,人仔大個D,個免疫系統見慣世面,就會自己識打,唔講咁深,有興趣可以自己睇immunology of human,大學書局百幾蚊本,好厚又有圖,抵睇的。

SOR 講遠左,我只係想講,從健康角度睇,五歲小孩食人奶,係唔會比佢自己食飯食肉食菜食生果(甚至食維他命丸)為好。

 

最後梗係要講嘅係,都講到口臭,就係「我對穌哥無乜嘢,只係頂唔順佢D o靚」。

母乳餵哺係好的,連世界衛生組織都不斷咁鼓勵,政府都鼓勵工商界要俾空間同時間在職媽媽,咁問題係,倡議母乳餵哺嘅組織,要鼓吹咁好嘅母乳風氣,但佢地用嘅手法點解要咁歪曲咁趕客?

五歲、沙灘、跪地、男童、飲奶、人妻、野外、露半球,呢D KEYWORDS,就係睇完張圖立刻浮現在腦海嘅。

「喂你心邪咋嘛?」咁而家係你做訊息傳播,由你建立個文本開始,你就要考慮受眾點樣解讀,受眾嘅解讀,同時關係住呢個文本在受眾之間再傳播嘅時候點樣被人加料。

除非就係,母乳餵哺組織由一開始就係諗住「摟屌」,利用呢個「摟屌」來搏取最大的曝光,嗯,咁呢個係敝網好多文章嘅寫作手法,所以我係好明白嘅:)

但係,睇番呢張圖被人廣傳之後,該母乳餵哺組織嘅反應,睇來佢地真係以為自己咁樣係有利母乳餵哺呢個風氣?佢地仲揚言評論嘅人要負法律責任,版權法律常識之差劣令人嘖嘖稱奇:

 

社會風氣嘅形成,係好複雜嘅,奶粉咁風行,除左係工業革命、市場經濟之後搞虛假需求,仲係女性生育後都出來做工,要用奶粉代替母乳餵哺,N 咁多樣野,好啦,而家仲有母乳組織出來派膠,自己派完膠,就衝出來譴責笑佢地嘅人,試問一D 咁個人,點樣可以正面咁搞好母乳餵哺呢個議題?

其實正正經經普普通通,影住一個阿媽,抱住個B 餵奶,成個畫面咪好有母愛,而家整色整水,賣弄性感,當人地有性聯想就譴責,我只係想回一句:

仆街啦你 LOL

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 152747
Date: 2017-02-11 18:54:21
Generated at: 2020-09-25 15:20:39
Permalink: https://www.vjmedia.com.hk/articles/2017/02/11/152747/鼓勵母乳餵哺,要去到咁盡?而家是咪佢係男仔就