澳門人真係好白痴,餵人奶都唔識搵條布遮下

文教 / 最新文章綜覽

 

 

呢兩日網上見到幾張相,除咗笑澳門人白痴之外,真係唔知可以講咩好。為免又畀個主辦單位揚言法律追究,我就咁形容下啲相啦,貼就唔貼喇~

有一張呢,就係嚮黑沙海灘嘅相嚟嘅,有個媽媽跪嚮個仔面前,露出乳房畀個仔企嚮度啜。先唔話佢點解個仔應該已經會行會走,冇五歲都有三歲仲要食人奶(佢哋話食到幾歲得架喎),嚮黑沙當眾餵奶係咩事先?嗱你話廁所喂奶唔好,咁依家澳門係唔係窮到哺乳巾都冇條先?冇哺乳巾搵條大毛巾都得啦?

 

(沙灘餵奶示意圖)

 

另一張呢就仲白痴,睇背景係婆仔屋嚟嘅,咁就有起碼八九對母子一齊打出一邊奶,去餵手抱嘅仔女。婆仔屋算係個花園嚟,當你係私人地方啦,但係集體餵奶仲要擺晒甫士咁又係咩一回事?呢個已經唔係哺唔哺乳巾嘅問題,係物種認知嘅問題。餵奶都要一齊餵,你哋啲澳門人以為自己係海象呀?

 

(集體餵奶示意圖)

 

有啲人將啲相評為「兒童色情」,咁我唔由呢個角度講吖;前幾年仲未開始好多人講要餵人奶時,其實已經有育嬰室呢樣嘢啦係咪?育嬰室都唔止係畀你用嚟換片架喎,開奶粉準備畀個仔食都係育嬰室做架喎。我唔講香港嘅育嬰室費事又打爛你班澳門人啲玻璃心先啦,講下威尼斯人個育嬰室有咩先吖~

根據佢網站講:「室內設施包括私人哺乳室、嬰兒車停放區、家庭座位區、有熱水提供的飲水機、微波爐、電源插座、緊急求助鐘、更換尿布的座枱及水槽等」架喎。你唔餵人奶餵奶粉,準備奶粉都已經要嚮個封閉嘅位置(簡單嚟講即係室內啦)做啦,何況你係要餵人奶呢?威記自己都知,餵人奶係比餵奶粉更加要私密架囉,佢個哺乳室係育嬰室入面再另設嘅房嚟架!

老老實實,個主辦單位作為一個提倡母乳餵哺嘅社團,先唔講佢有冇認認真真改善澳門嘅母乳餵哺條件,即係我都明你要嚮澳門爭取到廣設育嬰房哺乳室,首先要拗贏規劃部門、然後要睇實啲大陸承建商、之後又要望實民政總署啲人點維護個育嬰房,唔係一間NGO就可以做到嘅事。之不過你都唔好咁嚟玩啲人奶媽媽吖。

你搞個咁嘅攝影比賽,有啲傻佬影啲當眾冇遮冇掩餵奶嘅,你又要;扮海象集體餵奶嘅,你又要。搞到餵人奶呢件事,由一件好健康、好進步嘅大好事,變成一單笑柄。你話你出呢啲相,引起社會好大迴響,然後連肥崔都出嚟話要整個「十年育嬰室計劃」咁就話啫,你又唔係。有時啲嘢窮則變、變則通,你喐唔到澳門嘅規劃,作為民間組織,推廣哺乳巾、哺乳衣,做下集體代購;你哋識個議員嘅,搵個議員幫手,將母乳餵哺呢樣嘢擺上大氣電波,推到「方便媽媽餵奶」係好似「見到老嘢要讓坐」咁變成社會道德誡律咁,都係做到嘢架喎!

所以話,澳門人蠢、笨、柒呢,根本就係自己攞嚟。係囉又係香港人睇你唔起囉喎,你又唔諗下啲柒事係邊個柒出嚟嘅?

 

 

作者:薰華

薰華
塵世中一件無名廢青,除咗偏見同口水就冇嘢多。

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 152811
Date: 2017-02-12 19:21:28
Generated at: 2021-06-13 13:41:50
Permalink: https://www.vjmedia.com.hk/articles/2017/02/12/152811/澳門人真係好白痴,餵人奶都唔識搵條布遮下