2017年情人節前夕,我決定咗梳起唔嫁!(中)

 

(photo via cc Flickr user The Student (Edinburgh))

 

自從我宣佈咗話我自己決定咗梳起唔嫁之後,大家都以為我係嫁唔出中女咁樣發脾氣,自然唔夠膽再係啲grp入邊亂噉講嘢,所有grp都係一種無聲仿有聲既狀態下運作。喺呢個浩瀚宇宙入邊,我就得返我家姐呢個親人,而呢個親人係特別煩膠既,不斷係恥笑mode同埋擔心mode之間shit嚟shift去,「呀妹,呢個世界呢仔就溝唔完既,你睇吓數據,非洲個邊仲有幾多幾多單身男性人口嫁。(佢仲要連住張Infographic send俾我)」「呀妹,你唔好嚇我啊!你唔嫁既話我驚你塊處女膜會慢慢合返埋」「呀妹,你係咪唔開心啊?我有撒瑪利亞會防止自殺嗰啲熱線啊。」

望見呢啲msg,真係一啲都唔開胃。前夕宣佈咗唔嫁,咁依家都情人節啦。我諗,冇情人都應該仲有資格行吓街既。點鳩知,竟然係咁,俾我遇到一個我覺得呢一世都不可能再遇見既奇怪男人!!基本上同電影啲雨夜屠夫差唔多樣,都係嗰啲乾濕褸加條牛仔褲咁囉。不過唔同既係佢有Donald Trump既北京鳥巢髮型加對黑色警犬boot。簡單來說,柒不可耐。

當時既我仲係街度拎住部香檳粉紅iPhone google緊如何梳起唔嫁,感受咗佢陣毒氣一吓就行走咗咯。但係恐怖既係,佢突然之間,佢突然大叫一句「願天下有情人終需乞食!!!!」屌你老味,成個荃灣區都聽到呢一下,喺佢吸引哂所有人既注意底下,佢就即刻扯曬路邊花圑啲花出嚟,一棵棵咁飛佢哋落地下。然後同我跪低話「曾珍真贈,你要我做既我都做曬嫁啦,求 ~你 ~嫁~俾~~我啦!艾 粒扶 腰」

我心入邊就係屌一聲啦,因為依家全世界十三億人都圍住我哋兩個啦嘛!有一班人係咁嗌「嫁!嫁!嫁!嫁!嫁!」,唔講我仲以為佢哋賭緊馬。而另一班人就單純食花生。呢啲咁唔可能理性既時刻,我當然立即望咗佢咩樣先啦,吳彥祖咁既樣,Donald Trump既髮型,仲有就係曾志偉咁既身高……我用盡奶力準備嗌出「唔好啊!」既時候,有一班速龍隊衝過嚟,「小姐,我懷疑你哋有預謀策動佔領荃灣」跟住我望住啲警棍又伸又縮,我作為一個貌美如花、弱質纖纖既女人,當然就要數到三,就暈低啦……

眾所鳩知,理所膠然地,我再醒返,就已經係差館。我幾時都唔明嫁,點解又係我家姐走嚟接我。究竟係我老豆老母掛住華倫泰日un返粒仔出嚟啊,定係我家姐日嘈夜嘈,但係其實佢先係冇男朋友嗰個。但點都好啦,我家姐都仲係keep住啲死港女tone講咩「呀妹,依家啲警察有冇點點點啊」「呀妹,你見點啊?」「呀妹,嗰件當勞侵真係你溝返嚟嫁?你揀還揀唔好咁劣食喎!」「呀妹,我啱啱偷聽咗佢同啲警棍講嘢啊,佢好似無業嫁。你有錢包男人唔好包件咁既啦~~」屌,我覺得我咁多年嚟日日俾人妹下妹下,一身阿婆口水味,唔怪得成日都咁黑仔啦。

但點都好,結論發現就係條仔係癲既,忽到唔忽嗰隻,同電影《閪裂》(英文名叫Split)一樣,都係常人無法理解嫁。曾經有一秒,我仲以為我有啲咩曾經曖昧過啊,鍾意咗我好耐既男人走過嚟同我求婚,打算扭扭擰擰都係嫁撚柒咗佢,最多嫁完佢畀錢佢整容拉高啊乜乜乜姐。唉屌,原來「曾珍真贈」都唔係gimmic嘢,而係「燈燈燈凳」,問佢點撚解搵著我嚟攪呢,佢都仲係講話咩頸紋誤事,仲要話我啲頸紋刺激到佢。屌屌屌屌屌,乜我依家得頸紋咩?又唔見你鍾意下我啲橙皮紋啊,法令紋嫁喎!

第二年啦,我個情人節都仲係噉。於是我都冇計啦,google曬啲規矩之後,都係打算死死地氣走去梳起,不過姑婆屋呢都仲係打算自己住既。直到有一日有個撚樣叮噹叮噹咁撳我鐘仔,I mean撳我門鐘…..

 

(待續)

 

作者:Echo

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 152908
Date: 2017-02-14 01:31:13
Generated at: 2020-10-28 05:09:30
Permalink: https://www.vjmedia.com.hk/articles/2017/02/14/152908/2017年情人節前夕,我決定咗梳起唔嫁!(中)