一個冇能力控制自己情緒嘅人,唔配擁有配槍

政治 / 最新文章綜覽

 

 

毛定石睇完七警判刑後,其實無乜特別感覺,極其量只想話判刑太輕。係呀,真係太輕呀!我覺得應該告酷刑罪,甚至危害人類罪,等佢哋要終身監禁。嗱,危害人類罪真係有㗎,唔係吹水㗎。唔信,自己查吓Wikipedia啦。

長篇大論就唔寫啦,就一問一答去鬧醒你班盲目親政府到是非不分嘅炳權啦。係呀,我喺講你呀,藍絲。

 

Q1:警務人員當更已經有好大壓力,曾健超如果唔係用液體潑佢哋,就唔會被人拉埋一邊打,所以係抵死。曾健超咁搞,害死班警察。

A1:因為受示威者挑釁,你就可以失控去對示威者拳打腳踢嗎?咁我就同你講,你唔配做紀律部隊,你應該立即請辭。

因為你唔專業,亦情緒化。一個冇能力控制自己情緒嘅人,唔配擁有配槍。因為當你冇能力控制自己情緒時,你有機會用你嘅配槍去做出嚴重傷害社會嘅行為。

 

Q2:佢哋冤枉㗎,一日都係曾健超衰。

A2:你講嘅冤枉,如果係講告錯人,咁你就應該去投訴香港警察、律政。點解?佢哋做緝拿、檢控,居然「冤枉」了七警,咁關曾健超乜事?佢被人打,佢去投訴;人係警察自己拉,咁拉錯,告錯,都係警務署、律政署嘅錯,Right?

如果講嘅冤枉係講打人唔應該告,咁我就只能講:你唔好去死。用Q1/A1嘅邏輯已經可以 KO 你。

 

Q3:七警唔係故意打人可以輕判。

A3:咁有默契抬人去暗處打,唔係故意?唔係有組織、預謀?講遠啲,越戰時,又或者最近十年反恐戰爭中啲軍人遇到嘅壓力,肯定比香港警察高,當中亦有人因為壓力太大而濫殺平民。你估戰爭法庭會唔會接受話壓力大就輕判、甚致無罪?講呢句嘅識唔識法律㗎?

 

Q4:有朋友向我轉述,話有高級警務人員喺私人飯局內話,如果咁都唔撐警察,咁無人會做警察,又或者警察唔會再做嘢(即係執行法紀)。

A4:Well,如果佢哋嘅心理水平只係到呢個程度,真係唔做好過做。我唔介意警察公會提出集體辭職㗎。你地真係做唔嚟呢啲咁高壓力嘅工作。

再者,喂,阿哥,你出得豐厚糧就唔該做嘢,唔做嘢出糧就應該受紀律處份。重有,身為紀律人員,說甚麼:「難以接受 … 同袍激動想上街」,是公然挑釁法律體制,煽動同僚。是極嚴重違反紀律,理應立即撤職追究。

 

毛定石暫時再無補充。

 

作者:毛定石

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 153171
Date: 2017-02-17 19:53:35
Generated at: 2021-06-14 09:43:26
Permalink: https://www.vjmedia.com.hk/articles/2017/02/17/153171/一個冇能力控制自己情緒嘅人,唔配擁有配槍