究竟咩係公義?公義有幾公?

HKG 報圖片

 

七警判囚,曾蔭權定罪,好多人,特別係黃絲同泛民支持者係網絡上高呼法治彰顯。如果我係佢地,或者我都會覺得開心,但原因唔係法治彰顯,而係打倒咗一個敵人。

點解七警打人被定罪係法治彰顯?其實每日都有人被定罪架喎,係咪日日都法治彰顯?咁參與旺角暴動掟磚既人被定罪,又或者,參與佔中呢個明顯違法既活動既人被定罪,法治又係咪得到彰顯?

今日七警判刑,你高呼香港仲有法治,但如果將Facebook碌前一年半載,當以胸襲警案,又或者旺角騷亂參與者被定罪既時候,你當時又係咪相信法治、捍衛法治,定係大罵司法不公?同一套法律同一個標準,點解有時係公義,有時係不公?係咪取決於犯法既人同你係咪同一個立場?

我唔係幫七警辯護,或者話法治係廢,而係係呢個時代,特首,警務處長,政黨,甚至每個市民網民,每個人都話自己相信法治,但佢地當中好多人咁樣講,唔係因為佢地真心相信呢樣野,而係法治只係用黎掩飾佢地向其他人發起鬥爭既遮羞布。

就算退一萬步講,你真心相信法治,法治又係咪代表公義?係咪又代表做緊啱既野?法律唔係完美,法治唔一定係啱,雖然大部份時候係,但總有例外。港大校委會事件,盧寵茂,李國章係咪被人襲擊?警察抄牌導致巴士按章工作搞到塞車,但佢地係咪依法辦事?又或者新年流流,你樓下有啲阿公阿婆係度擺地攤,或者嚴格黎講,係度無牌擺賣,咁你係咪要做個法治小先鋒舉報佢地?又例如佔中,你覺得係咪犯法?

我一直有個問題:如果係佔中果一晚,你知道自己向馬路踏出既呢一步,可以令其他人鼓起勇氣一齊行出去,但你作為第一個犯法既人,槍打出頭鳥,你一定會被秋後算帳,咁你仲願唔願意犧牲自己,用自己犯法黎換取公義?

一九七七年,香港爆發警廉衝突,港督麥理浩特赦警隊貪污人員。我地後世咁睇,會覺得佢好英明,但如果果個係你,你係咪又有足夠既勇氣,願意押上自己名譽,背負被人鬧你徇私枉法,或者違背法治精神既罪名,去做一個你知道係啱既決定?

係呢個紛亂既時代,唔係每一樣野依法辦事就叫公義,有啲時候你需要憑良心同知慧,去諗吓到底咩係正確既選擇。

 

 

作者:堂前燕

堂前燕
在網絡撰寫小說及文章。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
歡迎讚好我們的facebook page,免費資訊源源送上。

文章資訊

ID: 153405
Date: 2017-02-22 02:33:53
Generated at: 2022-11-27 14:31:28
Permalink: https://www.vjmedia.com.hk/articles/2017/02/22/153405/究竟咩係公義?公義有幾公?