有壓力就可以打人,三萬八警察高呼:「屌你老母」

 

見到新聞話,今晚有一堆可以(或曾經)佩槍既動物聚集,成千上萬,開始話要尋找佢地所需要既公義。然後甚至話,要尋求係立法會成立一條「侮辱」之罪。

不得不承認,呢一股可以係一股比當初雨傘運動更團結,而且有更大殺傷力同埋政治能量既群眾。所謂「侮辱」都可以入罪呢,其實都叫做相當具有創意同埋無遠弗屆。雖然我唔知點樣去搜證(HEY到時咪阿SIR就係法庭,阿SIR就係證據囉,OK既)佢地呢班動物話,受到「侮辱」,就係「損害法治」,因此佢地唔應該再「忍」,亦都唔需要再聽高層講咩野「專業」。於是佢地甚至好團結咁一齊大叫一聲「屌你老母」。台下數萬,轟然響應。

我睇完單報導,真係自己都打左個冷震,起晒雞皮。試想下,咁既訴求,呢個係香港開埠以來,何其壯觀既一件事。

我只係衷心希望,如果到時真係咩又收集左幾千萬個簽名,而且到時又有D咩「打人都情有可原」既特首上左台,連同果幾位頭腦經常熱血既議員,係都要硬推議案,然後又可以通過既時候,希望既然,都橫死掂死咯,千祈唔好只係讓紀律部隊專美,受到呢個法律保障。既然都天下大亂,自取滅亡,不如搞到全市民都受惠,仲好啦。

真係真心過真心膠今次我。都話你有壓力我有壓力,三百萬打工仔,我敢講,邊個無受老闆二分四,俾人侮辱過。我以前就寫文講過,我新入職俾人踩到地底泥,呢D咁既暗黑既記憶,到今日都歷歷在目。妖,我地亦都唔駛為咩公司既利益,嚴受自己既專業唶?千祈唔好忍呀,有法可依,最好啦,可以兜巴星埋佢老細到,然後直接爆粗鬧番佢,激動起上黎,掟佢個頭入碎紙機,都仲得啦RIGHT?呢D就係法治呀。

香港既未來,真係正如波哥所講,將會愈黎愈精采呀。我真係連自求多福,都唔敢講鳥。

 

PS>我見到話葡萄葉今日都有去撐場。HEY,既然都豁得出去喇,就唔好流淚葡萄其他參選人民望咁高啦。正如依家臨老過唔到世既煲呔當年話:民望都係浮雲。好快,人命都係浮雲添。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 153489
Date: 2017-02-22 23:45:01
Generated at: 2021-09-23 04:17:09
Permalink: https://www.vjmedia.com.hk/articles/2017/02/22/153489/有壓力就可以打人,三萬八警察高呼:「屌你老母