探求「真理」

 

 

話說求學果陣,又係好天真無知咁嘗試去了解咩為之係真理。咁愛德華就咁無左一隻手同一隻腳,我就都未致於搞到自己殘廢既,但都令到我某幾個SEM自己精神上蒙受左極大既困擾。正如自己無啦啦同班數佬一齊係度用另一堆符號同Language咁係度溝通,Tutor又唔係好似阿邊個咁清麗脫俗(出左世未?BANG),試問又點會有心機上堂?再加上我真係天資有限,無論腦海點幻想,真係幻想唔到D Delta 同Epsilon Ball可以忽大忽小然後又突然There exists… 真架,真係要諗到,你先Prove到,咁唔係你對住條題目,都只係會一籌莫展,等夠鐘架渣。

咁結果果陣花左好多時間係Library到怒鋤又盛,但結果都係得個桔。然後到Mid-term又見到D痴線佬係度談笑用兵,又話其實唔難,真心覺得呢D同學其他語言一樣,講既都係天份。有D音你發唔到咪就係先天不足囉,正如果D題目你自己構唔到圖亦都係你既問題囉。原來係真係會唔識真係唔識架。。。不過唯一可以值得安慰既係,我都唔係考試最低分果個,咁咪算囉。但屈唔到人機,就硬係有D心有不甘架啦。

好多人就算有無讀呢 D 所謂高等理論既野,都會質疑其實根本99%既人都無人明然後係現實生活層面又almost sure 完全無用咁究竟學黎做乜柒?無架,有時D野,人一世仲會無啦啦做左D戇居居既野而不自覺架啦。總之你讀果陣叫做話想送死而得到as expected既效果,又或者叫做自己都受左下訓練,咁咪算囉。千祈唔好太認真。大家唔好睇我拋晒D Term出黎好似好神奇咁,其實再講落去,我都好快無貨。:o)

但係呢度補一句就係,數學既表達式有佢既美態,所以果陣都瘋狂嘗試學LaTeX黎交功課,就係因為覺得寫起方程式黎又方便,一整出黎又要變左PDF唔會再變型,又唔會搵唔到想用既希臘符號,果陣我自己做D筆記都成日寫到D符號好靚靚我先肯罷休架。

總之,發明同探究呢堆野既人,都係全部應該入得青山架喇。有少少認知,唔好搞到壞腦,仲識得溝女咪算囉。Bang

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 153537
Date: 2017-02-24 22:20:37
Generated at: 2021-09-20 17:11:19
Permalink: https://www.vjmedia.com.hk/articles/2017/02/24/153537/探求「真理」