下?李明逵真係鬧七警咩?

政治 / 最新文章綜覽

 

最近傳媒輿論盛讚的前警務處長李明逵,被問及關於七警案的意見,他的回應令人擊節讚譽,廣泛流傳。但看完以下的東西,你會發現,傳媒所昭示的,或者並非全貌。

內容摘錄自李明逵是日出席某大學週會中的答客問:
(感謝與會朋友提供錄音紀錄)

 

同學:……咁啱啱聽到你講關於警察本身In general係保護人民呢,我都好認同。事實上,我爸爸都係一個警察,佢都成日同我講,點解警察可以Authorized to arm,係因為佢哋係保護緊我哋,所以佢哋可以咁做。然後係好似你啱啱咁講,當一鍋粥入面,出現咗一粒老鼠屎嘅時候,其實對成個警隊都係好大形象嘅破壞。

如果係咁嘅時候,我又諗返起啱啱你講關於領導嗰度,其實都好令我深刻:一個領袖,係應該有功嘅時候要領,有錯嘅時候要出嚟認,如果唔係就祇係一個演員;而但係呢,喺七警事件之後,現時同之前嘅警務處處長恍似都係好支持佢哋,甚至係無作出任何公開嘅道歉。如果係你,你會唔會覺得佢哋祇係演員而唔係導演?又或者係,七警呢件事係喺你嗰屆發生嘅話,你會點做呢?……

 

李: ……係咪要認錯,若果你以七警作為一個例子,香港有健全嘅司法制度,邊個話呢個七警有罪,係法庭,係咪?但係亦有上訴機制,大家都接受嘅。若果佢上訴其間,將來得直,警務處長出嚟道歉咗,點呀?追返,「哎吔,我道歉錯呀」咁?係咪呀?大學裏面,有一個學生犯咗錯、犯咗法,校長出嚟道歉,跟住學生上訴,話佢無罪,校長點呀?「對唔住呀我兩個月前出嚟道歉錯咗」喎。

 

同學:咁你嘅意思係咪,因為七警嘅對錯,係重有可以商榷嘅地方,所以即使係大家都覺得係錯嘅,你都要再等待之後佢哋上訴,可能五年後、十年後,總之一日有機會上訴到,一日都唔應該道歉?係咪咁嘅意思?

 

李:若果你係從一個法律嘅角度嚟講呢,呢個係啱嘅。

 

同學:如果從品德、道德上呢?或者我直接啲咁問,唔知你覺得七警呢件事係啱定錯?

 

李:你若果問我會唔會道歉,我喺呢個時候,我一定唔會。因為我唔想道歉錯咗,將來再道歉,為道歉再道歉。

 

同學:如果你個心係覺得,呢件事係啱或錯嘅話,咁係咪唔應該視乎上訴或者法律結果,如果你覺得警察係身為一個被授權可以用武力嘅人,而將武力運用喺一個無辜嘅人身上,係咪無論上訴結果係點都應該道歉呢?

 

李:若果我哋係喺一個法治社會裏面,以法律做一個標準,我哋一定要等到法律去到終點,先至可以決定件事到底係啱定錯,係咪?道德標準,個個人都唔同啦。你話,警察唔應該打人,社會上又有好多人話,喂,打得少啦,打多佢兩拳啦,咁究竟聽邊個講呢?

 

(同學想追問,但遭主持制止)

 

同學:……咁,多謝你令我對法律有新嘅睇法。

 

作者:無妄齋

無妄齋
是非忘所以,黑白觀自在

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
歡迎讚好我們的facebook page,免費資訊源源送上。

文章資訊

ID: 154057
Date: 2017-03-03 17:16:33
Generated at: 2022-08-10 13:33:44
Permalink: https://www.vjmedia.com.hk/articles/2017/03/03/154057/下?李明逵真係鬧七警咩?