《美女與野獸》都要加同性戀情節嘅年代

 

有說為左政治正確,《美女與野獸》中硬加左男同性戀劇情,引起部份家長鞭韃。

雖則畀細路知道同性戀嘅存在係唔會令到佢地變同性戀(即係我睇《美》係唔會突然接受人獸戀),但我對於呢種政治正確嘅行為真係感到萬分討厭。事實上呢種政治正確嘅行為就係另類嘅政治審查,完全係妨礙創作自由,一個現成嘅故事好地地硬是要加插啲「小眾元素」落去嚟顯示「平等」無疑係畫蛇添足。

對於真正嘅同性戀者嚟講「好想有一日兩個同仔喺條街到拖手呢件事會等於依家一男一女拖手咁普遍咁平常唔會俾人望」應該係佢地最支持嘅事,但依靠吸食平等血液為生嘅自由左妖就唔係咁睇:佢地聲稱「因為依家有啲人接受唔到,所以就要特別高舉同性戀,去反擊抵制思想」咁把炮,事實上就係慢慢榨取政治價值去籌款拎funding, Come on James, 如果你真心為同性戀者好就應該宣揚佢地嘅「平常性」they’re just same like us, they’re just harmless to society and they just exist like you and me,話俾人請呢件事就好似你有眼耳口鼻咁,而唔會搞個「眼耳口鼻驕傲日」。搞咁多,其實咪係想引起啲保守派回擊,然後大家打落去,扮曬抗爭先鋒人權鬥士,就好似啲教會神父洗啲俘知耶撚腦維持自己地位同條水路咁。

玩政治正確有咩好?呢條水真係食極都有,玩完種族就玩女人,再輪到同性戀者,打後仲有「特殊性癖人士」。自由左妖可以攻擊一套電影因為男人做主角而稱之為「父權」、「男性主義」、「厭女」,他朝由女性擔正嘅電影都可以抨擊「缺乏對性小眾嘅描寫」、「男女二元刻板印象,限制對多元性別氣質及角色嘅想像」,插極都有。最後,喺呢啲好好聽嘅「平等」原則之下,所以創作都會成為樣板戲,文化創作為次,政治宣傳為主,唔賣你自由派價值就係保守落後,用市場用人格謀殺去強逼電影從業員。

如果真係想推廣性別平等,同埋性別平權,就必須消滅呢批自由左妖。否則任何嘅平權平等都會被佢地嘅抗爭產業模式拖累而淪為一個endless 嘅悲情鬥爭。一個主張「驕傲」、創作要多此一舉加黑人加同性戀者加女性加身障者嘅「平權行為」注定失敗;平權需要嘅係大眾完全「無視」,將你嘅差異當係眼大臉圓咁看待嘅對等,唔使遭受寫隻字講句話都怕得罪人嘅限制。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 154083
Date: 2017-03-04 00:45:11
Generated at: 2020-04-01 05:54:15
Permalink: https://www.vjmedia.com.hk/articles/2017/03/04/154083/《美女與野獸》都要加同性戀情節嘅年代