而家真係乜人都可以論政

（photo via cc Flickr user antwerpenR）

喺以前嘅社會，咩人可以論政？

就係受過教育嘅人，即係假假地都係準知識分子。

隨住教育嘅普及，準知識分子呢個身分當然冇以前咁馨香啦，但係點都要入過U咁囉～

但係依家係民主社會，人人都有公民權，有言論自由，雖然真正嘅知識分子——學者擁有比一般人更高嘅自由，學術自由，可以拎公家嘅錢講公家嘅唔著，但係基本上，你識字、有口就可以論政。

隨之而嚟嘅好處當然係各方嘅利害可以前所未見咁清晰呈現，甚至有令人驚嘆嘅民間真知灼見，但係亦都有壞處，就係愚民論政。

點解愚民咁鍾意論政呢？原因有二，
一，門檻夠低；
二，論政真係高尚啲。

你諗下，一啲學術嘢，你至少都要係本科生身分先可以討論啦！而要有真知灼見，睇返依家知識嘅複雜性，真係點都要有碩士身分先得。

而論政點解高尚呢？你諗下，論政顯得你憂國憂民，關心社會，正所謂「先天下之憂而憂，後天下之樂而樂」，以往得精英階級可以做嘅嘢，依家自己一介草民都做得，顯得自己有政治智慧，真係諗起都興奮呀！

自己左評美國銀行加息對銀行嘅影響，右鬧人相對主義白讀哲學唔識追求真理浪費納稅人嘅錢，但係自己偏偏係個連稅都交唔起嘅樓下看更，以微薄之身行知識分子之事，豈不快哉！

作者：哲學仔

一條哲學廢青

閱讀後覺得好，請多多讚好及分享～：）