【又係廢青】窮得只孭得起背囊,好心唔好出街啦!

 

廢青即係廢青,無論去到邊,佢地個頭,就好似漆黑中嘅螢火蟲條尾咁,去到邊都咁耀眼。

廢青出街,好心就唔好用社會資源啦,你地有無諗過,廢青嘅存在就係多餘就係浪費?

好人好姐,你做乜孭背囊搭地鐵?或者應該問,你做乜好人好姐搭地鐵?地鐵係俾城中名媛、俾大陸水客、俾大肚婆,俾BB車媽媽,俾有工番嘅金融才俊,同埋為建設香港貢獻青春嘅長者搭架!

 

闊太個手袋真材實料又咁大,擺左張八達通落去,唔會成個袋變左八達通嘛,一時三刻嘟唔到係好正常架,你跟住佢後面,是咪應該忍讓下呢?

其實口口聲聲本土嘅廢青,知唔知走水貨帶動幾多(大陸人嘅)就業機會?你地以為香港仲係幾十年前佔全國GDP40%嘅年代咩?而家香港做雞做公廁都唔撚洗喔,香港GDP 佔全國3%咋,人地拖喼來香港買嘢返大陸,係你恩客呀,客仲唔謝恩?

大肚婆個肚阻唔阻住人?你係大肚婆咩?人地老公搵到錢,對未來充滿期盼充滿信心,幾個月前佢就將呢股正能量灌注曬入去你面前嘅大肚婆體內,你有無呢份福氣?

你有錢做人老豆咩?你未做過人老豆就唔會知道湊仔出街推BB車係幾咁辛苦㗎喇,仲要人地摺好架BB車?你有無憐憫嘅心架廢青?好彩你都有幾分廉恥,你自己見到你份糧,扑嘢個陣都唔忍心唔戴套啦,哎呀,對唔住呀,首先原來你份糧係溝到女嘅。

你睇睇出入中環嘅金融才俊?人地孭背囊架咩?人地個包包,平平地都Gucci 啦垃圾,話你目光如豆無錯架廢青。

地鐵嘅上賓,係長者呀,雖然地鐵有關愛座,但係你知唔知到,所有位,無論座位企位,by default 都係長者專用嘅,老老竇竇,長者建設香港奉獻一生,仲係本港維穩勢力仲要票源,咁大嘅功勞,免費搭車兼有權訓喺度搭都應份,佢地俾兩蚊已經係皇恩浩蕩唔想搞到自己咁唔同,廢青應該少d 出現喺地鐵範圍,唔好阻住人。

 

今日地鐵拍片,聲討呢班孭背囊嘅廢青,絕對係好嘅開始,廢青另一法寶斜孭袋都係咁討厭架。仲有呀,廢青最鍾意一路搭車一路打機呀,兩隻手遞高,咪又係霸左個空間呀?總之,廢青做乜都係錯的,正垃圾。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 154206
Date: 2017-03-06 21:28:54
Generated at: 2020-02-24 17:20:29
Permalink: https://www.vjmedia.com.hk/articles/2017/03/06/154206/【又係廢青】窮得只孭得起背囊,好心唔好出街啦