深圳經濟增長一兩年後會追上香港,呢一點,我係絕對贊同的。

(photo via cc Flickr user vJonathan Leung

 

深圳經濟增長一兩年後會追上香港,呢一點,我係絕對贊同的。點解?

首先你要無比堅信國家統計局既數字,係完全無呃人的。單係呢樣野,如果你拎得出黎講,已經代表左自己係幾咁愛國。試問邊有一個國家可以外圍咁差,出口係咁跌既情況下,個經濟增長(即係GDP好似係)仲好似一條直線咁,所謂既下行風險,都係講緊每年低幾個百分點渣老友。而最新總理講左出黎,咩二零一七年經濟增長目標,係X年最慢,但SO WHAT,仲講緊六點五呀。坦白講,你仲唔高呼祖國偉大,仲可以做D乜?

老老實實,唔好話一兩年呀。你話一聲令下,即刻係聽日就超越都得呀。反正我就信了。改一改個計法,打番個乘數落去,呢D唔係咩困難既事。亦都技術含_量高,絕對可行。咪當係「我國採用最新科學性準確性量度經濟容度,取得了重大突破」囉。你去否定,代表你眼紅國家經濟發展成就,正中張人大委員長下懷~

所以,香港依家一年既經濟增長得百分之二左右,而深圳既GDP,唔駛睇數都知,應該會係每年+十幾,係一個火箭一般既速度,呢D咪就叫做經濟奇跡囉。你話佢突然可以裝到幾千萬人,咁都係佢地既利害,你無得話用人均去反駁,呢種咪就係一種搬龍門,挑撥中港矛盾,其心係當誅既。老老實實,上年深圳既樓價係升左六成,部份地區甚至係倍翻!所以講經濟奇跡,其實已經一早超越左香港。

其實到最後,講既都係質素。但呢樣野,大家都睇唔到,亦都不可以量度。當中伴隨幾多污染物,水份,係不足為外人度(道)既。所以我覺得呢D數字超越左,大家都唔駛太著緊。真係又要補番句別太認真。亂說話怎麼會成真呢。

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 154346
Date: 2017-03-08 05:58:56
Generated at: 2021-09-23 05:17:21
Permalink: https://www.vjmedia.com.hk/articles/2017/03/08/154346/深圳經濟增長一兩年後會追上香港,呢一點,我係