柒警籌款對林鄭的選情影響

 

 

有說珠珠婉拒(我見到有網站話『懇拒』,但我唔知乜TERM黎,唯有用番自己識既字詞)義助柒警家人之柒百柒十柒萬港幣圓正,可以明白,佢或者都開始聞到件事發展至今,唔單止有柒味,甚至有D燶味。再上綱上線落去,事態好嚴重,燒到珠珠唔緊要,奶媽都出事。

首先,你估人地見過鬼,其身不正,夜晚仲會半夜敲門也不驚咩?梗係超級怕黑啦!然後,依家正係強國高層開會,高度敏感期,舊時東莞未散檔都要暫時熄燈,係你地班友唔知掟定係養唔熟,係呢個時候用事?我地呢邊既所謂選舉,其實都只係選D芝麻綠豆縣令市長,根本去到強國層面,本來就係不值一提,但邊個叫你搞搞下,又唔俾人去選,變左做權力角力場喎。

好勒,依家又有好事友揭發左出黎,你珠珠提名又係提名奶媽,然後咩演藝協會會長之類,咩向左走向右走之類,又係提名佢,同一D社團好似有聯繫,結果真係如黃貫中唱既歌一樣:紅黑紅紅黑,就係咁簡單(OR家燕媽叉既黑呀黑呀黑黑呀黑呀黑)。嘩,心諗,D香港傳媒無性架嘛,再DRILL落去,搞到上面,到時咁大個地雷,想自我引爆呀,邊個會同你食?莫非又有鬍鬚果邊既曲線助選團,係度搞局??

好多時候人梗係鍾意好心做壞事,結果完全幫倒忙既。拿,阿哥,如果真係愛國,就唔應該係咁玩法囉?熟讀左本年度工作報告未?當中就有咁既講法:『加強行政監察和審計監督。保持懲治腐敗高壓態勢,聚焦重點領域,嚴肅查處侵害群眾利益的不正之風和腐敗問題。廣大公務員要持廉守正,乾乾淨淨為人民做事。』點解大家仲唔跟隊?又話個個好聽中央指揮?是咪想作反?

蝗語睇唔明呀?唔緊要既。但最重要既都係,我地係小熊維尼總書記作為第四代CORE CPU既情勢底下,最重要切切實實要執行既,就係咩:四個字:依法辦事。依家好喇,香港依法辦事左啦,送左人地去坐監左啦,你地做乜唔生性,班鬼又係度搞呢搞路,你叫奶媽點樣幫你地班選委謝票呀?到時奶媽變黑奶,日日俾人叫懵牛(MENGNIU)特首,簡稱黑牛特,到時搞乜民望工程都唔會有用。於心何忍!

 

重要提示:筆者並非『看光蝕』。以上只屬一時思覺失調之發KEYBOARD痕。敬希垂注。最後我要強烈強調,我係完全BUY總理最後所講:使命重在擔當,實幹造就輝煌既。LOL。

 

【專題:2017特首選戰】

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 154368
Date: 2017-03-08 17:12:07
Generated at: 2021-09-23 05:45:26
Permalink: https://www.vjmedia.com.hk/articles/2017/03/08/154368/柒警籌款對林鄭的選情影響