睇下留返落嚟嘅包，除咗魚柳包之外，材料都同其他包有一定共通點。魚柳包唔死嘅原因，可能係早餐佢都有份；豬柳強亦係同理，早餐有同佢共用料嘅餐，所以可以唔死住。脆雞塊辣雞，應該係同新嘅懶豪華辣雞包同一塊嚟（冇食過唔知），不過由於自此以後我唔會喺老麥叫雞，所以我以後都未必有機會確認囉～至於板雞嘅消失，睇返個新嘅懶豪華燒雞包個樣，估計係因為同個新包定位相近（甚至連塊雞都可能係板雞塊雞嚟），為免平包同貴包爭客，自然取消埋。