【連載小說】我喺LKF 做Party Girl(六)——六月嘅巴黎

 

六月嘅巴黎,天氣好乾爽,日頭有陽光既時候好暖和,

呢種天氣好舒服。

我地望住巴黎鐵塔個塔頂一路沿住塞納河行過去巴黎鐵塔。

個刻既心情,好期待,我會見到巴黎鐵塔既真面目。

2016─夏─歐國盃,巴黎鐵塔中間掛住左一個好大好大既足球,

離遠都可以望到個足球係到搖搖擺擺,

我地終於行到巴黎鐵塔既正門,沿途有好多黑人拎住D吊飾係到賣,

D吊飾係大大小小既巴黎鐵塔鎖鏈扣,其中一個黑人走埋我同A生到,

佢講「你好」(普通話),

之後佢講英文,睇得出佢想我地買野,

我見到D巴黎鐵塔鎖鏈扣幾靚,就買左幾個。

買完之後,我影相,係咁影相,影影下,

「我帶你上鐵塔。」A 生同我講。

「下,乜上得去架?」我問佢。

「嗯」佢同我去買飛。

「有兩隻門票買,搭LIFT同行樓梯,不如搭LIFT?」A生問我。

「唔好啦,行樓梯啦。」

「好多層架喎!」佢話。

「未試過又點知呢,未行過又點知有幾難行呢,人一世物一世!」我好有信心咁講。

「 L,我欣賞你依種Once in a lifetime 既精神。」

A生讚我,佢第一次讚我,佢話佢欣賞我,我暗爽。

我地行樓梯上去,係要不斷轉圈上去既個種樓梯,

我地一個圈一個圈咁一路轉一路行上去,

沿樓梯上去既同時有好多人行緊落黎,

條樓梯好窄,有時我地要企埋一邊,等人落完黎要可以繼續上去。

行到上二樓,大致上可以望到巴黎全景,好大風,我一路望住前面,

由上面望落去戰神廣場,個景象就好似一條望住一條綠色既機場跑道,

「呢到望出去都唔係話好靚姐」我同A生講。

「因為你依家係巴黎最靚個幢建築物上面,巴黎冇左鐵塔,就唔係巴黎。」

「唔怪得個景好似爭咁D野咁,原來係因為我望唔到巴黎鐵塔。」

「不識廬山真面目,只緣身在此山中。」A生文人上身咁講。

我地望完風景之後,行左去鐵塔上面果間BAR飲野,坐係窗邊位,望住巴黎既夜景,

一切都好靚,好夢幻

我依家係巴黎,係鐵塔上面,

——我希望我依家唔係發緊夢,就算係,千其都唔好咁快醒⋯⋯

我地行左去巴黎鐵塔樓上個間Bar and Restaurant

「好靚啊,呢到,我冇諗過真係會黎左巴黎。」

我講完之後忍唔住拎左部電話出黎影相,影下餐廳、影下杯野飲、影下餐牌等等,

總之乜都影一餐。

影完之後,我收番部電話,坐返好飲野。

「你咁熟巴黎既?」我問A生。

「我後生個時係到讀過書,之後係到住左一排。 」佢答。

唔怪得知佢識講法文啦,我諗起第一次佢同我去法國餐廳既時候⋯⋯

「你係到讀咩野?」我問佢。

其實我對佢好好奇,依家係同佢一齊係巴黎係一個問佢問題既好時機,

旅行個人都放鬆D,對住佢冇咁拘謹。

「藝術。」佢答

佢繼續講,

「我大學畢業之後,想係黎法國讀Master,個陣時身上剩係帶左2萬蚊港紙黎法國。屋企唔係冇錢比我,只不過佢地反對我黎巴黎讀藝術,話冇前途,唔肯比錢我讀。佢地以為唔比錢我,我會死心。最後我都選擇黎左,我一路讀一路會係餐廳返Part-time,個陣法文差,唯有去D中餐館打工,中餐館D老闆肯請我地D法文差既留學生做黑工,因為佢地咁就唔洗交稅,慳返一筆。個段日子雖然都幾辛苦,不過好開心,生活得好簡單。」A先生睇落好嚮往個段日子,佢一路講一路笑,好少見佢會咁開心。

不過我唔係好明,點解佢話好開心,比人剝削當黑工用,都開心既?

我真係摸唔透。

「你呢,L,有冇諗過未來想做D咩?」佢講完之後問返我。

未來對於我黎講遙不可及,我過日子從來都係過得一日得一日,抱著聽日唔知聽日事既心態,不嬲都係到時先算個隻,「未來」真係諗都未諗過⋯⋯⋯⋯

「我唔知啊,不過呢我有野係好想有既,就係未來可以係外國住係間大屋到,間屋有花園既,仲可以養返一兩隻貓貓狗狗。」 我答佢。

「你唔想住係香港?」佢問我。

「係香港我邊有可能可以住到大屋,仲有花園呢?」我咁答係因為我知道,根本就冇實現既可能性。

「你都講得岩既。」A生好少可會認同我講野。

黎左巴黎之後,A生明顯開心好多,講自己既野多左,又唔會對住我黑面。

「你呢,點解唔一直留係法國,做乜返去香港?」我問佢。

「係到讀書既時候,我間唔中都會掛住香港。」

A生繼續講,

「我去過世界上好多地方,從荒野入面的草叢沙漠到世界既知名既城市,去過沙特阿拉伯,探索過加爾各答(印度城市)之後我去埋莫桑比克,伊斯坦布爾,里約熱內盧、羅馬、阿根廷、智利、墨西哥、台灣、英國、貝爾法斯特、西班牙,太平洋中部細小的島嶼。就係咁,一路沿路返去我屋企,返去我個Town⋯⋯⋯⋯有時會想返香港。」A 先生講到有D感觸。

原來佢有時思鄉

「我都好想好似你咁,好似一個旅行家咁同圍去,見識下呢個咁大既世界。」我同佢講

「Just do it. 你仲咁後生,大把機會啦。」A生講

飲完野之後,我地行返樓梯落去,鐵塔既梯係用鋼鐵整既,

唔係密封,當我向下望,會透過格網望到塔下面既好細粒既人同樹木,

一路行一路望,有D畏高,腳仔都有D軟。

行到落去,個天都已經黑黑地,

等到夜晚搭正9點,巴黎鐵塔有Light Show,

成座塔係到閃下閃下,閃著好多盞白色既燈,

係佢係咁閃緊既時候,我把握機會自拍左一段VIDEO,

「今日係2016年6月26號,依家係晚上9點鐘

L第一日係巴黎,睇巴黎既夜景

巴黎好靚,今日同左A生一齊睇巴黎鐵塔,行上左巴黎鐵塔,行過塞納河畔。

我希望會再有機會再黎呢到!」

五分鐘之後,巴黎鐵塔停止左閃動,回復靜態。

睇完LIGHT SHOW,我地向住鐵塔既後面行,繞過鐵塔,行經過一個公園,

沿路既兩旁有好多樹,街燈唔係好多,所以條路好昏暗。

我地係月光下散步,沿著塞納河行返酒店,

巴黎每一座建築物好宏偉,都唔個以前D古人點樣用兩隻手起出黎。

「點解巴黎既建築同平時係中環見到個D歐式建築唔同?」我問A生。

「因為歷史因素,巴黎集合左好多種唔同既建築風格,

例如哥德式、洛哥哥、巴洛克建築⋯⋯⋯⋯⋯⋯」

雖然我一樣建築風格都唔識,但係聽住A生介紹巴黎,我對依個城市愈黎愈有興趣,

好想知多D呢到既野,仲有我覺得A生真係識好多野,好似上至天文,下至地理佢都

識咁。

巴黎的第一個晚上,好夢幻。

 


 

行行下,我地行到返酒店。

酒店既外型係一幢舊式歐式建築,前身係平民公寓黎,

後來因為近旅遊景點好,方便到旅客,所以業主將佢改建成為酒店。

酒店樓高5層,我地行近啡色既大門,

A生拉開左道門,

道門啡色,歐式建築個一種有兩邊好重既大門。

酒店既燈光係以暖色既燈光做主調,

成間酒店地下都鋪左(暗紅色)既地毯,

酒店大堂唔係好大、

雖然唔係金碧輝煌個種Style,不過好有格調。

大堂左手面有一間BAR,

BAR入面有一隊LIVE BAND表演緊。

A生同大堂職員傾左一陣,之後我地就行樓梯上返房。

我地住三樓,行到三樓之後,

我地係昏暗既走廊一路行一路搵間房──15號房,

「15號房」我指住門上既號碼,佢行過黎,插左張卡落門柄旁邊個插卡位,

著左綠色燈之後,佢推左白色既門入去。

一入房,我見到一張好大既床,

房間入面有一扇唔算大既窗,窗係往外推出去個種,

破璃窗後面仲有多一層用黎擋光既木板

床格離有一張檯一張木凳,檯上面有一盞檯燈,

成間房睇落好復古。

A生係袋入面拎左佢岩岩係家樂福買既一盒茶包出黎,

「我好鍾意飲呢隻茶,每次黎我都會買好多盒返香港。」A生拎住盒茶同我講。

「係咩茶黎架?」我問佢。

「雲呢拿味綠茶。」佢話

「雲呢拿味既綠茶陣味唔會好怪咩?」

我講完之後,佢即刻打電話ORDER左2杯熱水,

好快就有人送左黎,

佢拎住兩隻杯既杯柄,好輕力咁放左上張木檯,

然後拎出兩個茶包,撕開左個紙,將兩個茶包分別放入兩隻杯到。

我拎起左其中一隻杯黎聞,聞到好香既淡雲呢拿味,

飲左一啖之後,我覺得個味道好特別,幾好飲。

「陣味真係唔怪,雲呢拿溝綠茶幾Match 下。」我同佢講。

佢微笑,

「我就係想你講依句,哈哈。」

原來佢純粹想證明,雲呢拿味綠茶陣味一D都唔怪。

個一下,我覺得佢都幾似一個小朋友。

 


 

我沖完涼之後,特登著左一件白色既one piece 既睡裙,

A生坐係床上,佢戴黑框眼鏡,同係佢屋企樓下佢戴既𠴱副一樣。

佢好專心咁睇緊書,

「睇緊咩書啊你?」我問佢問題,想吸引佢注意力,

「達文西密碼」A生望住我。

我其實根本就唔CARE佢睇緊咩書,我純粹想知佢望住我著住睡裙會有咩反應。

佢既視線冇離開過我,我知我成功左,佢有反應。

我伸手到背後,慢慢解開左我自己既BRA 帶,

我將個BRA 拋左去佢枕頭格離,佢望住我,一眼都冇眨過。

(我好肯定佢冇眨過一眼)

然後佢發癲,我引起佢對我既慾望,

個情節就好似蘿莉塔勾引亨伯特咁,

一個小女孩著住熱褲係沙發上面搽指甲油,

激發一個老男人對一個小女孩既性慾。

令一個男人為左佢發癲。

佢快好咁除左我條裙,我地好快就進入狀態,

我慢慢將佢條褲除左,再除埋佢條底褲,

我拎起佢已經硬左的木棒, 錫左一啖落去。

我睇得出佢有少少怕羞,我伸出條脷,

不停打轉,佢塊臉變得好紅, 我再用力地吸

吮,望住佢,佢輕輕呻淫,

我同佢對望,望住佢好享受個樣,懇求我既樣,然後佢兩眼已經失去左焦點咁呻吟,

我好似成功征服左佢。

今晚我係蘿莉塔───任性、頑皮、貪慕虛榮,為左取悅亨伯特不惜一切

原來旅行既意義,無非係為左宣洩情慾,

宣洩一個瘋狂既老男人對一個小妖精既著迷。

滿足佢心入面對我既幻想,一直都有而佢冇表露出既幻想。

佢最初用錢去利誘我,今晚我返用身體去色誘佢,

一切都好合理,至少我自己咁樣覺得。

佢係窗邊吸住雪茄,都係個一隻好幼既雪茄。

今次佢好似上次咁又塞枝野落我個口到,

今晚我唔覺到陣味難頂,我仲覺得陣煙味好獨特。

「係朱古力味」A生呼出一口煙,佢講。

煙霧隔住我地,我望住佢,我又吸左一啖,

我呼出既煙同佢既煙交纏埋一齊,

間房變得好有朦朧美,好似仙境咁。

「我係到讀書既時候,有時會食下大麻,

猶其是每次當我Focus唔到既時候,我成個人就會平靜返起黎,佢

就好似一種鎮靜劑,令到我可以專心做野,諗野。」

「乜大麻食完唔係好HIGH至岩架咩?」據我理解,大麻係興奮劑既一種。

「開始既時候會好High,但係慢慢,個人會平靜落黎,就好似一個發完癲既人,用晒所有精力之後,突然間靜左落黎。」

「不過我介左,食大麻係我後生先會做既事,依家我已經過左𠴱個階段。」A生強

調佢已經冇再食。

「以前你係巴黎讀書一定好Free 喇,想乜就做乜,你係咪都成日去蒲?」我問佢。

「係到讀書個陣每個星期五我都會去Party,係Party到會識到好多好有趣既人、有故事既人,所以我讀書個陣好鍾意Party。如果我依家仲有𠴱陣既 Energy、我諗我都會再去下巴黎既Party 。」

我呼吸住充滿巧克力味煙草既空氣,望出窗外,有幾架車停泊係路邊。

「過左25歲之後,捱夜變得好奢侈。 」A生感嘆。

佢好似係同緊我講,好好珍惜一下依家既青春日子,有得捱夜好捱夜,要Party 就好去Party 喇,遲D年紀大就冇機會架。

「有D學生係學校好出名,有D學生係PARTY到好出名,不過呢就連一個Professor 都唔知有佢既存在,我諗我就係𠴱種學生。」A生笑住咁講。

原來佢年少係輕狂個種人。

對面樓既人已經落左窗簾,12點,依定係巴黎既午夜,我地住既呢條街好靜。

佢關左我地房既窗簾,

我地訓左係張床到,仰望住天花板

A 生臨訓先同我講,

「L,you are light of my life, fire of my loins.」,

講完之後,佢熄左床頭燈。

我唔知佢講乜鳩,不過我禮貌上應左佢一句「晚安」

 

Light of his life, fire of his loins
Keep me forever, tell me you own me.

 


 

第二日晨早我就起左身。

起身之後我諗左一陣,我確認自己真係係巴黎,我唔係發夢。

「Bonjour!」

我打開窗簾,推開個窗,同巴黎say 左聲Hi。

今日天氣好好,陽光好充足,依家係早上7點。

我大大啖咁吸左一下巴黎新鮮既空氣,有陣花既香味,

A生仲訓緊,我望下佢放左係窗邊既𠴱本書,

係琴晚佢睇緊既書,書上面寫住”The Da Vinci Code”,

封面印左住蒙蘿麗莎個樣,

我諗起好多年前上映過既電影《達文西密碼》,

「早晨」,A生醒左發現我係到望緊佢本書既封面。

「有冇睇過?」A生用一隻托住左個頭。

「冇,我好少睇書。」我答佢。

「咁你有冇最鍾意既書?」佢問我。

雖然我睇過既書,十隻手指數我晒,不過我都最鍾意既書。

「有啊,我最鍾意睇《茶花女》。」

「小仲馬𠴱本?」佢問我。

「係掛,唔記得左作者名。」 我答佢,跟住我問,

「係呢,今日我地去邊?」

「我聽晚要去個House Party,之前同你講過,要你做我既女伴,

到時會見到我D舊同學、舊同事、朋友,我會同你去買聽晚要著既衫。」

突然之間我覺得好大壓力,要見咁多人,我怕失禮佢。

我真係上唔到大檯,唔係講笑。

「普通朋友聚會,輕鬆D就得架喇!」佢應該睇得出我緊張。

我諗得一D都唔輕鬆。

因為聽晚佢既Gathering 佢買左件紅色旗袍比我,話夠晒有特色,聽日就咁著。

我著完之後照一照鏡,真心覺得自己著旗袍好睇過著摟屌裙,

下次可以考慮下著旗袍去老蘭。

買完旗袍之後,佢帶左我去羅浮宮,

「下,我想去下睇LV 同 Chanel 喎。」我同佢講。

佢唔肯,佢話遲D先,睇黎佢好不屑我個港女格,

但係我就係咁,不嬲都係咁,

我冇諗過要去改變自己,亦都冇咁既需要!

跟住我就比佢拉去羅浮宮,

「我要睇蒙蘿麗莎,我要同佢自拍。」

入到羅浮宮之後我同A生第一句野,佢反左一下白眼,

肯定條友覺得我膚淺兼低能。

入到去之後,就見到有張用A4紙印住左蒙蘿麗莎個樣加方向箭咀既牌,

應該好多人好似我咁入羅浮宮就係為左搵啊莎姐自拍,

我地跟住箭咀穿過幾個展覽廳再行樓梯上去,

終於見到佢既真面目,

嘩,頂──勁多人圍住幅畫係到影相,又神棍又成,人頭湧湧,場面有D混亂。

啊,我醒起我唔記得左帶神棍,

不過我諗就算帶左A生都一定唔比我用。

跟著A生幫我同莎姐影左一張相,

「其實莎姐有咩特別?」我問A生。

「莎姐?你又知人地係女人?佢有可能係達文西既自畫象,

到依家佢係男係女都冇人知。」A生佢Challenge 我。

行左一陣,見到一幅好搞笑既畫,就係啊莎姐有一副好MAN既Body,

四肢發達,仲有老鼠仔,唔,我諗都係唔好叫佢莎姐,佢可能係男人黎。

「羅浮宮入面好多雕像同畫都係仿製品,真𠴱D係其他地方。」A生話。

「咁啊,我仲以為羅浮宮入面都係真野添,原來假架?」我好驚訝。

「仿真度好高,不過都係假既。」A生答我。

之後佢介紹左好多畫既名比我,不過我聽完就唔記得。

望上去個天花板係栱形既,成個天花板都係畫,好靚。

聽晚就要見到佢D朋友同學同事,我心情好緊張。

第三日巴黎,我化身親善大使,陪佢去Social,

我做得PARTY GIRL,都慣左Social,social對我黎講應該就冇難度,

不過今日我好緊張,要見佢咁多既朋友,我驚失禮佢。

黃昏𠴱陣佢朋友黎車我地,係一個法國仔,

佢朋友個名叫做Gaël,戴金絲大框眼鏡,係一個漫畫家,

亦都係A生既舊同學。

佢依位舊同學好鍾意日本動漫,曾經將日本既動漫同法國既卡通Mix埋一齊,

之後出左幾本漫畫,係法國大受歡迎,A生話同佢以前成日一齊去蒲。

車程大約半個鐘,我地去到𠴱陣岩岩睇到日落。

佢間屋係郊區,係一個Village入面,Village入面全部都係平房,

D屋有平頂又有三角屋頂,

佢朋友屋企用左現代式房屋建築,間屋既屋頂係平既,

佢同我地講平頂既屋用現代方法溶雪,所以依家屋頂唔一定要起三角形屋頂。

我觀察左一陣間屋,好現代化既一間屋,仲有一個花園,

係我想住既𠴱一種大屋。

終於都入到佢間屋,入面已經有好多人

個個都成個藝術家咁,著D衫同髮型都好特別,有D爆炸頭,

有人著到成身間條,有個法國女人化個好濃既妝,佢對眼幾乎變左黑色,

可能藝術家既朋友就係咁。

係Party到,每個男人格離都有一個女伴,

我諗我明佢講「我需要一個女伴」既意思係咩。

咁我就要撓住A生隻手臂周圍行,周圍SOCIAL

A生尋晚教左我,點樣正確地同人臉貼臉。

佢話法國人打招呼會貼兩下臉,佢強調係兩下,左一下,右一下,

左右次序倒轉都冇所謂。

唔理你本身識唔識佢,男人會同女人貼臉頰打招呼,女人同女人都會,

不過男人就唔會同男人貼臉打招呼,傳統黎。

當A生同完一個人打招呼之後,

我就會果個人貼一下果條友右邊臉,再掂一下左邊臉。

仲有好重要既係,佢教我點用法國文同人打招呼,我諗佢廢是我出醜。

佢琴日做左我既法文老師,教左我幾粒法文字。

佢話朝早去到日落前講BONJOUR,

黃昏之後既,多數會係Party 或者晚餐見到人既時候就要講Bonsoir,

為左自己記得,我抄低左落我本筆記到Bonsoir 「磅+S+蛙」,

我抄低Ça va 「SA FA」係解你好嗎,Bien 係「好」,仲有多謝「Merci beaucoup」

我問佢「Merci 就聽得多,咁 beaucoup點解?」

「Beaucoup 解 very much,加埋就係thank you very much.」

然後我抄低Beaucoup 「Bo Ku」 ,我讀左幾次比佢聽,佢話我讀得唔錯,

真係好耐冇抄過筆記,就算以前上英文堂我都冇咁比心機過,

為左今晚,我竟然學識左幾隻法文字。

今晚係個Party到,我要做既野就係微笑同埋貼臉,仲有講「磅S蛙」,

有時有人讚我靚,A生翻譯比我聽,然後我就會講句「Merci beaucoup」

今晚對於我黎講,好特別,因為我唔係老蘭既CLUB入面,

而係巴黎一個Party到,

依到同我平時係老蘭D CLUB 𠴱種Feel好唔同。

我只係坐左一程13個鐘頭既飛機,世界咁就突然唔同左。

A生同朋友傾得好開心既時候,

我趁得閒冇野做,周圍睇下Party入面其他人,

望住到佢地拎住隻杯係到大聲講細聲笑,冇一粒字我聽得明,

聽聽下依D嘈雜既聲音,我開始發白日夢,我FF自己係法國女人,

係巴黎到做情婦,A生係我情夫,我變身茶花女既現代版,

講返故事背景:茶花女出身好窮,係法國既鄉村地方長大,

佢唔甘心咁就一世,恃住自己幾分姿色,走左去巴黎既上流社會到做交際花,

做有錢佬既情婦,

茶花女係一個好貪慕虛榮既女人,仲好大洗添、洗腳唔抹腳,有D似我。

不過呢茶花女既下場好慘,佢做左好多年情婦次後患左肺病,最後病死左,

佢病死之前有遇過一個男人叫做Armand,佢地互相沉船,

本來茶花女諗住為左佢放棄靡爛既生活,隱居過平淡生活,

點知男方屋企厭棄佢既出身,叫茶花女死開,最後茶花女向佢啊爸發誓唔會再痴住

Armand。佢扮晒唔再鍾意Armand,同佢講一D好HURT既說話,

令到Armand好憎佢,Armand仲多次奚落茶花女,例如用銀紙擲落佢到,話佢貪錢。

結局係茶花女病死左,葬禮一個人都冇去,

直到Armand睇番佢寫既日記之後,先知道自己怪錯左茶花女,

不過已經太遲。

茶花女係佢本日記到寫比啊Armand:

「等你知道真相的那一天,我在你眼中會更加高尚,你會更加內疚。」

咁有鬼用咩,人都死左,就算你係佢心目中再高尚,Armand再內疚都冇用。

「L,諗咩諗野諗到咁入神?」A生傾完計,終於記得我。

「冇野。」其實我仲為茶花女既故事傷心緊。

係𠴱Party到,我好好奇A生點樣向朋友介紹我,

不過我聽唔明法文所以我唔知佢點講,之後我問返佢點向佢朋友介紹我,

佢話佢照樣講係Party 到識我,對於佢D朋友黎講,點樣識一個人唔係太重要,

我既出身對佢D朋友黎講,應該都唔重要,最重要係今晚我同A生一齊黎左,

A生話佢D朋友羨慕佢有個咁靚既女伴。

聽完之後,我自HIGH左成晚。

 


 

全集連結:

(一)就係咁,我多左個老細
(二)過夜唔同價架喎
(三)我就好似做左女主人咁
(四)佢問都唔問,就借5萬俾我幫細佬. . .
(五)「L,我想你陪我去巴黎。」
(六)六月嘅巴黎
(完)A先生就係咁,消失左。

(全集完)

 

 

作者:細夢想家

細夢想家
我好鐘意發夢,問啊媽,我第日大個可以做啲咩?啊媽話:「夢想家?」不如我將發既夢寫成故仔,咁咪變成作家囉~哈哈

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 154623
Date: 2017-03-11 05:59:37
Generated at: 2020-08-06 15:03:25
Permalink: https://www.vjmedia.com.hk/articles/2017/03/11/154623/【連載小說】我喺lkf-做party-girl(六)-六月嘅巴黎