我諗稍為有少少常識嘅人都會知道，赤腳行街，既唔衛生又易受傷，傷口處理得唔好就會有細菌感染，萬一唔小心比食肉菌選中咗就真係大檸樂，食肉菌最鐘意生存係海水同海鮮，傷口接觸海水已經足夠中伏。最近先有人因為唔小心比公廁沖廁水整到傷口而受食肉菌感染，難逃一死。培正學生仲要被安排赤腳去腳市，到時有咩三長兩短，香港又少一個未來棟樑，然後就會有人出嚟講句「表示極度遺憾，同埋會盡力協助家屬及輔導有需要同學」，就咩事都無。係咪學生條命就唔係人命呢？係咪學生條命就唔洗重視呢？到時係咪講句對唔住就可以了事呢？唔啱不如叫培正校長同老師赤腳去行下街，唔知又會有咩感覺呢？