【酸文】對唔住,我唔知道你哋只係做緊社會實驗

[精英漢堡]
2017年3月22日
中大一間cafe出現咗個特別嘅餐。
想知發生咩事? 去片啦!

Posted by 畢業鳥 Graduate Bird on Wednesday, March 22, 2017

 

香港人越來越冷血?呢幾年,我自己都FEEL 到體溫下降。今日又凍左少少了。

口中充滿仁義道德嘅人,都係度講,話見到唔公道嘅嘢就要出聲就要行動。

好喇,見到單嘢,奇奇怪怪咁,有啲唔妥啵,諗住出句聲啦,過左大半日,有人同你講:「乜你真心左呀?做緊社會實驗呀~柒頭~~」

講真,做人做到第35年,有咩風浪未見過(老屎忽MODE ON),柒多一次無咩所謂,可能聽日鳩多次平衡番呢(?!)

我比較關注嘅係,當我哋成日話,大陸人冷血架,佢哋見到人撞車呀倒臥街頭呀,係唔會幫架,個個都係怕,訓係度嗰條友彈起身屈番你轉頭,要你賠錢呀。

 

呢個精英包,做左嘅社會實驗,其實係咩實驗?

可能「研究員」諗住觀察同學嘅即時反應,有特權嘅哥仔可以沾沾咁幫隔離大隻仔買包包,無特權嘅妹妹就無奈地食第二樣,又可以睇下港女格嘅同學點樣唔關事但係問有咩唔同。

身為狀況外嘅路人甲,見到有人貼呢張POSTER 出來,我第一個反應係做乜撚野,然後SHARE 左去自己FB 度。

到而家我知道左,呢個係一個社會實驗,可能我唔係DESIGNED 嘅被觀察嘅對象,但我呢下亂入,的確係參與左呢個社會實驗。

不少網友對我嘅觀察,亦順理成章咁,「人地做社會實驗呀」,「假架」,大家都對我很好,未走出來話我「衝出來柒」(可能有我唔知啦)。

呢個就係其他研究員對我呢隻白老鼠嘅觀察。

 

細個嗰陣,我讀教育出身,而家成日被人鬧嗰個TSA 衛道先鋒侯傑泰,我都上過下佢啲堂,佢好似教過下,當你覺得動物園係人睇馬騮,其實馬騮都係度睇人,我跳多兩下你就會遞條蕉俾我(下?!),即係你發癲咁鬧學生,啲學生下次其實專登搵嘢整到你發癲。

我唔介意突然被研究,我哋唔係重力公主,係離不開一切物理法則,我見到平嘢會想買,我肚餓就會想食嘢,我仆街係會受傷,然而同時我知道,當你減完價賣嘅係鳩嘢,當我晚晚深夜煮麵食會肥過肥西,我行路掛住睇女係會仆街,慢慢我就會學精,就係精英漢堡嘅精。

下次我去開中大,見到奇怪嘢,我會HOLD 一HOLD,喂,可能做緊社會實驗呢,呢度係大學,做實驗好正常呀,然後兩頭望多兩望,嗰個花叢好似有啲嘢反光,是咪攝影機?唔理啦,當睇唔到,唔好搞我,埋去理,又柒多次,扶人起身,可能轉頭人地研究緊你是咪因為人地靚女先扶,全部唔理就無事啦,是咪咁?

 

我唔係想扼殺同學仔創意,我只係一個老屎忽,我幾年都唔會返一次中大,我只係喺中大讀過幾個月,港大淪陷曬(好似係)我都理唔到咁多。

今次我柒左,怪錯同學仔,鬧了一句「做乜撚野」,原來只係實驗,對唔住,我道歉。

無咩事我返去打PS4 先。重力公主好玩,Syd 係好男仔。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 155499
Date: 2017-03-22 22:41:53
Generated at: 2020-09-25 15:04:45
Permalink: https://www.vjmedia.com.hk/articles/2017/03/22/155499/【酸文】對唔住,我唔知道你哋只係做緊社會實驗