呢段時間裡面，你雖然坐到好攰好頽，但係「從沒有放棄過心中的理想」，比起番工放工不知踏實幾多倍，身體同心靈都有返久違左嘅少年活力。可惜雨傘運動冇成功爭取到任何野就結束左，得到嘅只有你胸口頸項同facebook頭像上嘅黃絲帶。由街頭撤退，留低一句「We’ll_be_back」後，作為成熟嘅香港人，你開始反思、開始用番熟悉嘅價值判斷黎重新計算理想與現實之間嘅成本回報問題，最終你明白奇蹟係可一不可再，現實始終需要妥協。「背棄了理想，誰人都可以」？唔係，你自問係從感性番番理性啫。