你唔係唔知道求學不只是求分數，你開頭都可能認為補習操卷攞tips好cheap好賤格，等同食人血饅頭；然而，有一刻你覺悟到，喺香港生存，就係吃與被吃嘅關係，入大學不過係其中一張必要嘅餐券。分數至上，靠學校不如靠補習，靠老師不如靠天王。你知道每日喺學校對住嘅同喺補習社對住嗰啲，不用分那麼細，都係教畜（頭盔：好囉有啲唔係），只不過喺9up嘅教畜與教你應試技巧嘅教畜之間，你好現實咁選擇咗後者，選擇俾錢為自己嘅將來謀劃，嗰班「天王」就收錢提供服務，講白啲成件事本來就係供求關係，大家一樣都係為咗搵食，一個為長遠一個為短期，喺香港，搵食不嬲大晒，搵食啫犯法啊？