我發現畀學校捉佢地生涯規劃規咗六年，好多學生重係唔知自己嗰份工要做乜。例如有人好想入建築嘅人以為建築師要做埋室內設計同埋要落手起樓；又例如好多想做社工嘅人以為社工淨係開組同做Counsellor就夠（我即時嚴肅地糾正佢地——齋做輔導員咪即係社會維穩員～）唔洗識任何政策政治嘢、甚至以為自己吹得同外向就做到好社工；又有讀視覺藝術嘅學生想做紋身師，但我問佢VA老師有無指導佢做紋身師的話要練邊類畫佢又話老師無講。又例如有學生好想做記者媒體行業，但係去咗咁多次生涯規劃堂都無人建議過佢要從小練好支筆，參加吓吓啲公民記者工作坊或投稿畀網媒拎吓經驗之類，佢連Copywriter係一個職業都未聽過。