今日返屋企搭lift果時撞到個師奶，兩手拎住兩抽野。我入lift先嘅，我一入就禁咗自己果層，見佢入埋嚟就禁埋閂門。佢入到嚟就企咗響到唔郁，我諗應該係住同一層。但係諗諗下，唔係喎，我日日都差唔多時間出門口同返屋企，差唔多認得曬同層果啲人，好似一次都未見過呢個師奶。（包括對面個靚女學生妹，毒撚我好想同佢做……做朋友，但係為咗對方幸福，我唯有默默守護佢、目送佢。雖然最後佢都係「摺」咗一聲，可能我默默咁望住佢太耐。）我住30樓以上嘅，部lift上到十幾樓果時，個師奶失驚無神擰轉面撐大對眼望住我。