不少曾俊華支持者可能好唔開心，但其實我完全唔明唔開心D乜。當初林鄭被選委提名之時已經有580票，就已經明刀明槍話你聽「特首之位我志在必得」。雖然我覺得如果唔知真係好白癡，但事實係有數得計。選委得1200人，600就已當選到，當初已經有580票提名俾林鄭，仲有20票就等如當選，大家唔係真係咁天真以為曾俊華仲有機呀嘛？小圈子選舉既意思就係指，由選委提名到選委投票都係選委玩哂呀明無？暗咩票呢？D票由頭到尾都係睇上頭面色咋。好馬後炮，不過我真係覺得其實賽果好正常。