最最離譜的相信是近排消防員居然要網上呼籲唔好爬上觀塘偉業街天橋影相。我睇到果陣，真係心諗「戇鳩架？」影相還影相，點解要爬上去影？用腳趾去諗都知道你一爬上去，下面D車就唔知你係咪想跳橋一定會報警架啦？同埋，雖然我未睇套戲的第三輯（都未上…），但睇一、二輯根本都無爬過上橋的橋段，咁因乜解究你又要爬上去呢？如果純粹係因為靚，咁又會唔會過份左少少呢？為左你影相扮文青居然要勞動人地又出動消防又搶救又乜乜，你真係唔會紅都面哂呀？如果你心諗，車有咩事都會有消防員救架啦，使乜驚。癡線架？咁你同果D亂打999亂Call白車既無腦之人有咩分別？緊急服務唔係俾我地咁用架囉！