早前雄心勃勃聲稱要搞海外建國運動嘅敗選國師陳雲，趁今日愚人佳節喺尖沙咀海發傍起啟動儀式，首次透露計劃經已選址瓦努阿图，振臂一呼「海外建國正式啟動！」全城呼應，國師隨即話要即場示範摩西過紅海，以示帶領港人走出厄困嘅決心。國師帶領一眾城邦皇室喺祭壇念念有詞，祈求皇天上帝賜予力量，維港果然分成兩邊直通灣仔，萬五名「熱普城」義人急不及待投奔怒海，開始歷史上第一次嘅行路橫渡維港。