「天比高唔係一間公司,但有糧出」?

 

「天比高唔係一間公司,但有糧出」呢句說話就係來自佢地Facebook專頁,仲未完呀,描述仲講「天比高是一所涵劇場、音樂、動畫等不同平台的多媒體創意企業,位於天水圍天恒邨停車場5B,歡迎矢志成為創作人的熱血青年加入成為創作伙伴」。你無眼花,睇完呢句,再睇番最近天比高因為經費不足而請「義工設計師」,有無人好似我一樣覺得有啲嘔心?

一個係創作行業都算有知名度嘅組織,竟然帶頭做一件咁貶低創作嘅事,到底係咩玩法呢?廣告仲講到明呢位「義工設計師」要做活動廣告宣傳丶品牌形象丶包裝丶場地佈置等,更令人難以理解嘅係仲有一句「所有活動均屬義務性質,非商業用途,故不能提供市價薪酬」。其實說穿了,就係唔想比錢,但又想人免費幫佢哋做嘢囉!

 

 

都唔好講有意非文用捐血去比喻呢件事有幾錯,更唔公平嘅係你有求於人,但講到明無錢比都可以咁冠冕堂皇,唔通創作人真係唔洗食飯?明明自己缺乏果種技能,你要去搵人幫手,人地識果種技能,幫你做野,其實已經係要比錢啦,做創作唔洗時間唔洗精神?我就真係未見過人捐血要捐通宵囉。

呢件事令我諗起電之前《點五步》單嘢,導演就有糧出,有錢比商台傳費,學生演員就無糧出,仲話如果成功有票房就會分錢比學生,結果呢?分條鐵? 天比高事件就同點五步搵學生演員拍戲唔出糧一樣咁無恥!

唉,難怪香港人咁唔尊重創作人,連自己人都係咁,仲有咩好講?

 

 

作者:文探花

廢青一名,早上做教育,夜晚做音樂,醉心填詞,最欣賞林夕老師的細膩感情,最喜愛方文山老師的詩情畫意。不想在沉默中滅亡,深信堅持才有希望。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 157070
Date: 2017-04-09 20:16:42
Generated at: 2019-11-22 14:21:54
Permalink: https://www.vjmedia.com.hk/articles/2017/04/09/157070/「天比高唔係一間公司,但有糧出」?