近兩年金像獎都俾人一個錯覺，就係港產片回暖喇。but_how？我地睇睇2016年香港電影（或者所謂華語電影）嘅香港票房，成功過七位數嘅只有6部，全部都係合拍片，全部都係香港導演作品。但就我個人觀感同坊間反應，除左《危城》以外，其他都無一例外被冠以「爛片」之名。當然，人地都唔care香港市場個7位數，人地係睇緊大陸個9位，10位數呀嘛。然後我地再睇尋晚有份拎獎嘅幾部名義上港產片香港票房，《樹大招風》有9百幾萬票房，排十大嘅第9、《幸運是我》有2百幾萬、《點五步》有4百幾萬，《一念無明》截至寫文嘅今日有有7百幾萬票房，大有過千萬之勢。喂阿哥，過千萬都係零頭黎咋喎，成本都回唔到，抵俾人地話你地香港人陝隘。