你諗下，攰到嘔咁返左五日工，又開左咁多日OT，唔通星期六日仲有力去行山去接觸大自然咩，去接觸樓下間7仔都無力啦。唔係講笑，你叫我係地鐵站行層樓梯上地面都多謝哂，已經係個日最大運動量架啦，比起大學玩danso一日練九個鐘舞既生活真係完全兩個世界。唔好意思，畢左業開始，做運動已經唔再俾我count做娛樂，頂多叫鍛練身體，就好似返學增值自己咁，一星期做一次咁樣樣。另外畫下畫，同玩下音樂，而呢d我已經浮誇到分類為夢想。咁所以，除左返工、做下運動、追下夢，我只能夠當食同訓係人生最大既娛樂。