關於特快修例，我想說的是. . . . . .

泛民Ｄ粉絲係好撚恐怖既。同你講法治精神，講政策結構，佢同你講法律不外乎人情。

點解今次冇肝用，要用活肝移植？術前，係有屍肝合用，但家人反對。

點解唔講opt-out（冇簽反對書就要捐器官）？係，因為大家都自私。一講到呢點，又話香港會變大陸有錢人器官農場乜乜乜。

好啦，今次又話咩「十七歲可以捐／條例設日落條款／法律不外乎人情」。sorry，這就是香港式思考方法？

第一、你同我講人情，我就同你講人情：捐肝有風險，萬一捐完，老母救返，個女有事，點？你賠個女畀人？

第二、以一個個案去「特快修例」，今次係平民，大家「好似ＯＫ左」（即係網上聲音呀，好多政工作者敲鑼打鼓去助陣呀），下次如果咁唔好彩，有個權貴個仔個仔，十七歲，想捐肝畀佢老豆，立法會又特快修例，你係咪又ＯＫ？當然，你可以話權貴唔需要係香港做，可以返大陸買器官。but what if？而家你都係討論緊 what if 咋。因為手術完左，先放呢個風出黎啵。

第三、我討論緊既，係成個「器官捐贈」政策同文化。議員出黎想想做雷霆救兵要跨黨派救人，OK fine。你中意聽呢Ｄ，佢會講呢Ｄ，但我依然會講我認為重要既事：人情唔係大撚晒架！

香港人，同你討論問題，就話人「點解唔幫邊個邊個」、「法律不外乎人情」、「你係咪憎邊個政黨先講Ｄ咁野……」

而家肝又搵到，放風出黎話「跨黨派想救人」呢段新聞有咩用？咪就係用黎呃Ｄ唔諗野既香港人囉。最慘呢Ｄ香港人，仲一定去投票添呀。

作者：健吾

專欄作家、記者、編輯……商業電台節目《903國民教育》、《光明頂》主持，香港中文大學日本研究學系講師。著書超過40本。email：[email protected] ｜Facebook: facebook.com/kengopage ｜微博：t.sina.com.cn/kengowrites

閱讀後覺得好，請多多讚好及分享～：）