我地呢一代人本身已經劣勢，如果仲要士氣低落、兵力不足，就真係無得玩。只要仲輸淨條底褲，就有啲野可以做：學多啲野，為將來一閃而過嘅機會做準備；同志同道合嘅朋友組隊做想做嘅野，搞關注組又好，或者只係一齊追自己嘅夢想都好；認識返自己嘅母語廣東話，同埋寫多兩篇粵文、同小朋友講多啲廣東話，等呢隻語言存續得耐啲。