喺佢經過四年資料搜集之後，顯而易知，佢認為六七暴動就係香港版文革，煽動工會平民生事嘅領頭人物，大多同緊跟中共路線寧左勿右有關。呢一點，係過去四五十年香港社會嘅定調，但近年港共及其羽翼爪牙逐少逐少對事件重新定性，就係意圖擺脫左派主導印象。正如導演尚未察覺舊友屈穎妍以賓虛之勢轉軚靠左之前，屈穎妍就曾經為因反英抗暴鬥爭而留有案底嘅左仔寫書平反，出書嘅出版社火石文化係有明確嘅政治立場同出版動機，想扭曲一般人固有嘅認知，而六七暴動抑或反英抗暴，選用邊個叫法就已代表立場。