我都係想搵人買草姐點解咁難

 

(頭盔:吸食或藏有大麻在香港均屬犯法)

 

去到外國開放啲嘅地方讀書梗係要隊草啦,420依啲重要日子一定唔miss得。我求其上網search下附近嘅420event係自己間uni到搞仲加無理由唔去。

喺香港個陣一直對大麻幾有研究,由種植方式、品種,以致不同成分所產生嘅效果都有睇下。不過喺香港地,一個視大麻使用者如萬惡嘅地方,梗係冇試到。第一,無合法途經購買就無保障。我唔想自己食咗乜嘢落肚都唔知,因為有朋友同我警告過,有啲dealer會浸過啲唔知乜搞到你上癮成日買佢啲貨。第二,價錢真係太貴。係香港睇市價因為我無買過所以我係睇警察破獲「毒販」嗰啲新聞除返個市價出嚟。好多時見到百幾二百蚊一克,一克大約整到3枝joint,見到個價唔會想買囉。所以,咁貴又唔知自己食咗啲乜嘅情況,我未試過係香港嘅司法管轄範圍內隊過草。

我同我個鬼仔朋友,加拿大exchange過嚟,叫住佢H先,入去之前傾過,因為驚附近有差佬mon住唔會係現場帶任何草走,即買即用(我讀書個州仍未對娛樂用大麻合法化),同埋大家都新來呢個地方無dealer嘅contact,想係果度拎返一兩個先走。

 

 

活動兩點鐘開始我哋三點半到,已經有一陣陣嘅草味,大台係度live band表現,觀眾就坐係度嘆住草享受音樂。H話不如問下周圍啲人附近有冇得買,行行下撞到佢宿舍嘅人,我哋問佢個陣佢哋直接叫我哋不如一齊食啦,咁又r到幾buff,吹咗陣水去到五點幾越低越多人,越嚟越濃烈嘅二手草味係個公園度,H宿舍嘅朋友話唔係咁鍾意咁多人所以走先。咁我同H唯有繼續搵人問下邊到有得散買joint我哋兩個自己吹。

 

 

行咗陣有幾個亞洲留學生主動同我哋吹水,叫我哋坐低,知道我哋係到搵人賣嘅時候又好大方咁話一齊食啦。咁唔係幾好意思拒絕嘅所以又坐低煲咗陣。到六點幾七點,我哋吹咗四支左右,H話頂唔順入夜開始凍同埋好high。唉無理由掉低佢一個返去架,唯有返去啦,我都high high地。返到房係地下拎個枕頭就咁訓著咗。

食大麻嘅都係好人真係無講錯,明明想買啲食但係全日兩個人一蚊都無用過就high咗。點解你哋咁大方:( 唯有下次問下H宿舍啲人拎dealer contact啦

 

作者:山區學童

喺澳州19野雞學店讀緊俗稱調理農務系嘅農業經濟學,不過到而家都唔識耕田。寫呢啲19文係因為生活太悶又唔想係咁打機所以寫下解下悶~

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 158034
Date: 2017-04-22 04:26:02
Generated at: 2022-01-19 06:06:20
Permalink: https://www.vjmedia.com.hk/articles/2017/04/22/158034/我都係想搵人買草姐點解咁難