我哋身處嘅地方有好多問題，問題亦好複雜，咁究竟我哋應該用咩角度，用邊一套系統嘅語言，去理解呢啲問題——如果我哋仍然想去解決呢啲問題，帶來改變的話。每一套系統都能夠自圓其說，而且都能夠具深度咁去分析複雜嘅問題，而用邊一套系統，邊一套語言去睇問題，好視乎你想解決咩問題，同埋點解決問題，而呢一啲嘢，又同自身經歷好有關係。