呢兩日PTGF/PTBF呢類「職業」喺網絡間炒返起，應該都有賴連登有個熱門Post嘅，咁入面啲連登會員就討論兼且將各大小嘅PTGF嘅個人資料呀、三圍、接客幾錢提供乜服務、仲有張唔知係咪本尊嘅相擺哂上去（用咗會員加密法），差啲可以整咗本好似日本藥房有得拎嘅無料案內所指南出嚟咁款。其實諗返轉頭啲對話Cap圖同啲相如果唔係本尊，純粹為咗釣條水魚上岸買點數卡、江湖過數救急吖，定係要約出嚟霸王硬上弓？其實喺無真憑實據底下，拎住啲Cap圖講自己個FD做緊PTGF/BF咁又公唔公平呢？咁到底PTGF/PTBF 對連登巴絲、乃至社會大眾有乜影響呢？不如呢啲嘢一齊集思廣益吓啦。 :o)