PTGF 係正當生意嘅話你洗乜怕人知?

 

PTGF依個話題Hit到咁,唔寫都對唔住自己。

因為一個自稱搵過80位PTGF嘅人帶頭爆料,而家全香港都滿城風雨:女嘅怕比人(特別係男朋友)知自己係PTGF,男嘅怕比人(特別係女朋友)知自己搵過PTGF。對於一眾唔關事嘅大眾大可以食住花生睇依場鬧劇,睇下身邊邊條女平時係女神格但轉頭收三幾千就上床;又或者睇下邊個平時公認好仔原來係PTGF嘅常客。而涉事班人唔係極力扮唔關自己事只係比人偷相偷Acc,就係上網撐話做PTGF冇問題,只係一種做兼職搵錢手法。

如果做PTGF真係佢地口講到咁光明正大,只係一份兼職,點解佢地要張張相都冇樣,要私下DM先有可能拎到大頭呢?咁正當洗乜怕人知?直接用Facebook講到明做PTGF分分鐘會有多啲生意。一方面影波罅影黑絲影底褲上IG話搵哥哥,另一方面又話唔係賣身No Sex,做雞做到要貞節牌坊嚟講港女都算係「俵俵者」。最自打嘴巴嘅係有一班疑似PTGF嘅人整咗個IG ACC話要公開班問佢地價嘅雞蟲,諗住一齊攬炒咁話。至於點解雞蟲要搵PTGF?我淨係知你上IG搵Tag好似BJ、HJ、口爆等等都會同唔少PTGF有關,而之前連登爆咁多對話圖⋯⋯我諗唔少人都清楚過我。

成日有女人話世界係男權主義,成日有女人要男女同權,但偏偏好多女人又願意為自己開一個價,只要你比到佢就會出賣一切。男女平權同港人自主一樣唔係你出街叫兩聲就有,香港嘅未來你爭唔到,但男女平等就真係好睇你自己。如果你只係一個一千出街睇戲洗費男人比三千上床五千中出嘅女人,你有咩資格講平等?男人永遠係你嘅客,但係最後物化女性嘅唔係男人,而係上IG放內衣照自行標價嘅你自己。

出賣身體唔可恥,如果你同人出一次街睇場戲有千幾二千落袋,唔介意五千比人搞埋嘅話其實好搵過唔少打份正職嘅人,所以我從來都唔會覺得做雞嘅女人有咩問題。只係當你自己都覺依份工唔係光彩,當你都面對唔到自己成日要同三唔識七嘅男人出街甚上床,點解你仲要死撐落去?你怕條仔會知、你怕朋友會知、你更加怕屋企人會知。Okay,就當你真係家庭破碎,冇屋企人關心,但你仲有個男朋友,你仲有班關心你嘅朋友,點解你要作賤自己?一個名牌袋真係珍貴過你同男朋友嘅感情回憶?一餐二千幾蚊落樓同陌生男人食嘅飯真係開心過同朋友食百幾蚊放題?

如果你覺得你因為做PTGF搵咁多錢而自豪,你大可以屌我寫緊廢話然後Block咗我篇文;如果你都覺得做PTGF係羞家嘅話點解仲要作賤自己?PTGF可能好好搵,但佢同毒品一樣你慣咗搵快錢就返唔到轉頭,然後終有一日會好似而家咁比人發現,最後連男友同朋友都唔見埋。你嘅人生值唔值得為咗做PTGF而押上?收手啦好嘛?

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 158181
Date: 2017-04-24 21:02:20
Generated at: 2021-05-15 16:45:08
Permalink: https://www.vjmedia.com.hk/articles/2017/04/24/158181/ptgf係正當生意嘅話你洗乜怕人知?