如果做PTGF真係佢地口講到咁光明正大，只係一份兼職，點解佢地要張張相都冇樣，要私下DM先有可能拎到大頭呢？咁正當洗乜怕人知？直接用Facebook講到明做PTGF分分鐘會有多啲生意。一方面影波罅影黑絲影底褲上IG話搵哥哥，另一方面又話唔係賣身No Sex，做雞做到要貞節牌坊嚟講港女都算係「俵俵者」。最自打嘴巴嘅係有一班疑似PTGF嘅人整咗個IG ACC話要公開班問佢地價嘅雞蟲，諗住一齊攬炒咁話。至於點解雞蟲要搵PTGF？我淨係知你上IG搵Tag好似BJ、HJ、口爆等等都會同唔少PTGF有關，而之前連登爆咁多對話圖⋯⋯我諗唔少人都清楚過我。