【塔羅個案】呢個世界有幾多種第三者?——好勝 Gigi 篇

 

 

做咗塔羅咁耐,見得最多嘅個案始終都係圍繞住「第三者」呢個範疇。自己做緊第三者嘅有,另一半出面有第三者嘅都好常見;嗱,我道德底線對自己同對人地就兩把尺嘅,所以我唔會批判啲乜,只係有啲故事想同大家分享吓。

唔理你認唔認自居道德高地,聽到「第三者」呢幾個字,好大部分人應該都鬧咗先架喇!所以《呢個世界有幾多種第三者?》系列(無錯⋯可以分幾次寫)就寫咗可以比大家盡情鬧嘅「好勝 Gigi 篇」先,聽個名都有氣勢呀。

叫得好勝 Gigi 篇,咁個女主角就叫 Gigi 啦。Gigi 姐都唔係後生女架喇,感覺上應該將近四字頭,某大 PR 公司做 Manager,佢一行入黎舖頭我已經聞到陣「阿姐」除,加上佢眼窄唇薄,衰啲講句個樣都幾 Mean 。佢話要問感情,咁我淆一淆,死啦,如果一陣踢爆佢老公定男朋友去滾,會唔會唔啱聽問候我老母?

 

「我想知佢有幾鍾意我。」

呢啲問題好常見,咁我照開;唔開猶自可,一開⋯喂阿 Gigi 姐,你段感情係就係有第三者,但係個第三者係妳本人噃。

「Yes for sure 我知佢有老婆。」Gigi 姐露出一個 Who fucking care 嘅表情,「但係佢鍾意我先,我無逼佢喎。我又唔係要佢娶我,我唔需要婚姻,佢離唔離婚唔關我事,佢愛唔愛佢老婆我都唔係好關心,大家相處得開心咪得囉。」

雖然阿 Gigi 姐把口話咩都「唔關佢事」同埋「唔係好關心」,聽落幾咁之灑脫,幾咁看破世事,講到好似個男人就算激愛個老婆、只不過當佢 SP 咁都無所謂,「開心咪得」咁樣;不過,如果妳真係咁唔在意,我真係好想問一句:咁妳黎搵我占卜又為咗咩?我自問對每個客都幾上心,四海之內皆朋友,如果妳真係有疑難黎搵我幫手,我聽到耳仔出血都會聽;不過,如果阿 Gigi 姐妳只係想黎開牌從而得到勝利感,我惟有真係當妳一個客咁睇。(嗱不過咁講,比錢我賺就當然多多益善~)

咁究竟佢想得到啲咩勝利感?以下落黎呢條問題,相當直接地反映咗 Gigi 姐真率唔做作嘅性格。

 

「佢覺得我同佢老婆邊個床上技巧好啲?」

聽到呢條問題,我真係差啲要掩面匿埋,大佬呀,點答妳呀?妳唔係期望塔羅牌會答妳「嗱同妳就爽啲嘅,妳窄啲同埋豪放啲」「佢老婆就麻麻喇,個胸唔夠妳大」呢啲答案呀?我師父當年無教過我咁解牌架噃!不過我反白眼係我嘅事,睇住 Gigi 姐臉不紅氣不喘咁問呢條問題,我就知道佢相當認真;老老柒柒個男人又真係無比較過咩床上技唔技巧,因為副牌顯示嘅係男人同老婆性生活都幾唔協調吓,正因為溝通出咗問題,先會比 Gigi 姐吸引。

 

「男人係真心鍾意妳架,佢仲想離婚---」

「喂我唔撚理佢愛唔愛,我想知我叻啲定條八婆叻啲咋!DKLM!」Gigi 姐對呢個答案似乎唔滿意,聽到個男人打算為咗佢離婚,塊面西到去西百里亞,「我唔撚係想同佢結婚囉,喂,Come On!咁認真做乜!」

我聽到佢講 Come On 嗰吓真係好想問佢男人係咪叫 James,但見佢原本好聲好氣突然豹變到粗口橫飛,我即刻怯一怯,心諗我係咪講錯嘢?男人想放棄正印同妳一齊喎,唔係女朋友喎,老婆添喎,又要家嘈屋閉、又要搵律師、又要同親朋交代下略三百字,咁大壇麻煩嘢佢都肯為妳做喎,妳威哂啦,妳最叻叻喎,點解唔高興?

 

「佢離婚無咗佢老婆喺度,點顯得我正呀?女,you know?人呀,有比較先有進步,我都未玩夠佢就比冠軍我做,This is not fun!」

結果,Gigi 姐由原本上黎刷勝利感,變成離開嘅時候認真諗緊同男人講分手。我一直以為自己見嘅情愛糾紛個案都算多,但係做第三者唔係想坐正、只係純粹鍾意同人爭呢種咁特殊嘅病例……Sor9,係案例,我都真係第一次見。我一直以為係啲濕鳩港產愛情電影先會有啲咁嘅劇情,呢一刻我惟有講一句,「到最尾我勝利我得到你,然而又害怕一生一世對住你」咁嘅 K 歌歌詞原來都幾有遠見。

嗯……都好嘅,至少呢個客上黎無喊到妝都溶埋,我反而比較擔心嗰位男士,你以為你第二春?陰公,阿叔你沉咗船啦,阿門。

 

【塔羅牌個案分享】

你話想生仔我咪唔避孕囉,我家下有咗你就叫我落?
名校老師婚外情的故事
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」
老師的成功要訣:識人、埋堆,攀附權貴;作育英才已經行唔通。
邊個講出「分手」兩個字,邊個就係萬劫不復嘅千古罪人
女性客戶開口埋口「我認為」,咁你有無理過對方點諗先?
個客母親離逝,佢問「有無方法令我忘記呢件事?」

 

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。