「我想知我係咪第三者啊，定佢變咗心？我見到佢拖住另一個男仔。」阿蕉嘆咗一大口氣，「佢之前明明對我好好架。」就咁聽，我初頭以為係啲PuppyLove小爭執，或者係個女仔「轉畫咪轉畫囉，佢對我好啲吖嘛」之類嘅原因所以飛咗阿蕉；點知開牌出黎，唔係噃⋯⋯「蕉呀，但係呢，副牌話個女仔同男朋友感情穩定噃⋯」「佢欺騙我感情！係咪？即係佢呃我啦？」阿蕉開始喊，堅喊，鼻都紅哂流鼻涕嗰隻，「如果唔係我唔會咁投入，佢係我第二次鍾意嘅人黎架，我未遇過咁愛，所以我份人唔迷信，都為咗佢黎搵妳占卜啊！」