人生可能就係一舊屎裡面有無數既M&M

(photo via cc Flickr user Liam Somerville)

 

關於人生,我黎到呢個世界完全係一個意外。我好慶幸我老母將呢個事實話畀我聽,我既人生觀或多或少都受到呢個坦白所影響。

曾幾何時又或者間唔中,我幾撚想自己無係呢個世界出現過,但好彩既係每次諗到呢一度我又會諗:「反正都黎左,點解唔『盡興而回』?」

回想返過去十年,真係剛剛好十年係我人生最唔開心既時間,我唔知我既唔開心同其他人既唔開心有咩唔同,我既唔開心裡面包含住零散既開心,如果具體d黎講,你可以想像「一舊屎裡面有無數既M&M」,大概係咁上下。我諗大家要用幾大既想像力去理解我既表達能力。

我個人經驗話我知,十幾二十歲好多人都諗過一死了之,因為我間中都有呢個諗法。但人越大越接近三十歲呢個諗法會隨顧及身邊人感受而或多或少減卻。其實幾諷刺人係一個獨立既個體,呢種諗法尤其係年少氣盛既時候最旺盛,但人終歸係人有親人有愛人朋友,我諗呢d就好似氫氣球(入面係氦氣)末段既線綁住左一根柱一樣,簡單d講係枷鎖、係束縛。

每個人就係生活係枷鎖同束縛入面,社會無庸置疑係建構於此,自古無幾多人能夠做到孑然一身。

講返面對唔開心既時間,我唔知自己幾時學識「逃避」,無錯係逃避。發生係我身上既事其實好撚大鑊,呢d事件我真係唔想share,就算係現實生活我都只係偶然斬件式咁同唔同既朋友分享。曾經發生既幾件事情係好大鑊,但處理呢d事既時候我選擇逃避,當然唔係take野咁樣逃避,而係我咩都唔做當無野發生。

我從來唔會講「辦法總比困難多」呢d戇鳩說話,困難就係困難,明明就係困難比辦法多,唔係世界上點會咁多衝突、共產黨點會仲係世上係咪?當困難係好撚困難既時候其實就已經說明係你解決能力以外既事,有辦法駛撚受困咩!但我個人覺得今日既困難唔代表聽日既困難,時間有好多時係溶化困難既胃酸,但問題係點樣偷時間,點樣扮到若無其事咁過生活。有d人會話挨過去,但我認為「挨」已經係好撚難「挨」,真正既忘我係唔記得自己有困難,我唔知呢d係咪接近一種自我催眠既境界。

曾經有人同我訴苦,我將呢套睇法講左大概幾個鐘,其實裡面只係包含四個字——「理撚得佢」~~

其實我相信呢個方法唔係人人適用,有煩惱既人又未必諗到呢個方法,知道又未必相信係可行。如果將呢個諗法比喻為一種武功,大概等於「葵花寶典」唔係人人岩練。

個人經驗話我知,如果你過到十年,十年之後睇返今日你就會心諗「點解十年前咁小既事當日會咁撚鳩kick?」。可能係level未夠或者未有某一樣寶物,所以當年你先會「卡關」卡咁耐……

 

作者:犁牛

犁牛
80後,著老西呃飯食既9upper FB page:http://www.facebook.com/mudcow2

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 158441
Date: 2017-04-28 04:29:13
Generated at: 2022-05-24 00:52:28
Permalink: https://www.vjmedia.com.hk/articles/2017/04/28/158441/人生可能就係一舊屎裡面有無數既mm