《時代偽證者》（Denial）呢套戲，一定係讀歷史、研究歷史既人必須要睇嘅一套戲。我地之所以研究歷史，就係為左搵真相，為左人類歷史而寫番真相。呢套戲係講述2000年一單轟動世界嘅誹謗官司。由一位靠質疑納粹大屠殺搵食既David_Irving告另外一位猶太裔美國歷史學家Deborah_E._Lipstadt作既書入面批評佢係納粹黨之類既說話屬誹謗。《時代偽證者》絕對係會令讀緊歷史、研究史學既大家，搵番自己當初讀呢科比人笑搵唔到食嘅科目嘅初衷。人地睇可能只係一套重演一套好轟動嘅官司，我地睇絕對係會諗番起點解讀歷史、點樣讀歷史。由其現今世界，好多資料要50年後先解封。好多時候，就需要我地去搵真相，去為左人類歷史，為左保持人性去搵真相。