黃帝崛起就要打低班「相侵伐」的諸侯。而一開始嘅情況卻是「蚩尤最爲暴，莫能伐」，即係黃帝有新武器係勁，但仍然唔夠蚩尤打，所以「莫能伐」，係唔敢打。於是，黃帝就搵咗炎帝嚟開刀，炎帝真可憐，同薩達姆一樣，被安個「欲侵陵諸侯」的借口︰黃帝話炎帝「想」侵陵咋，炎帝係未侵陵架！總之黃帝要搞帝國主義，邊個弱就蝦邊個。太史公無寫細節，但黃帝要「三戰，然後得其志」，即係打咗三次會戰都消滅唔到炎帝，於是同佢搞咗個和約，炎帝認細佬，黃帝做大佬。