唔見嘢，每個人都試過，有啲人搵一陣搵唔到就算，有啲人搵成日都唔放棄，最慘係付出同結果唔成正比，有機會到最尾都係搵唔到，得個吉，白白浪費咗一日嘅時間。每次唔見嘢都會好煩躁，心諗明明幾日前先見過，點解一搵就無？好似畀人大整蠱咁，於是就會懷疑係咪身邊嘅人拎咗或者亂咁放，但以我多年唔見嘢嘅經驗嚟講，通常都係自己收好咗又唔記得。