老實講，麥明詩當選港姐嗰年我對佢冇咩好感。話哂嗰年靚過佢嘅參選佳麗唔少，如果唔係有十優依個光環，佢直頭應該三甲不入。而且佢同林作嘅關係離離合合煩過TVB師奶劇，睇新聞硬係會見到佢個名真係好厭。不過喺後期面對唔少話題嗰陣，當所有藝人都學王苑之一句「我討厭政治」確保飯碗平安，偏偏麥明詩就語出驚人，敢企出嚟指七警係「罪有應得」，打人有罪，警察知法犯法更係罪加一等；最近陳美齡做局長件事仲會拎埋啊媽嚟抽水，質疑出過書有名氣係咪就有料做局長。