我都想搵番以前嗰個自己,嗰個唔理3721就俾人吉嘅我

 

紅十字會FB 個呼籲捐血POST,估唔到會搞到變左負面宣傳。

我唔係咩E MARKETING 專家,我唔會分析佢哋呢個公關手法是咪成功,畢竟要有真實數字先分析得到,而捐血同埋用血數字呢,紅十字會好似唔係咁願意向外披露,無數據我唔會亂評論。

所以我只係借題發揮講鳩嘢。

 

當年我讀大學嗰陣(十六年前好似係),有個唔知咩會來HKU,話呼籲人哋驗血捐骨髓,我嗰陣未試過俾人吉(吉靜脈呀),一吉我就暈左,負責幫我抽血嘅護士話係血管敏感,掂下個血管壁就會血管收縮,血唔上頭就暈,暈低就會有血上頭就會醒。

而家諗番起,成件事都幾ON9。ON9在於成個中學生涯一直怕死無捐過血。點知原來連吉一下都暈,唔係抽到貧血而暈。

 

我而家都三十有五,就快不惑,可能好多差同我唔多年紀嘅人,細個嗰陣捐血係唔會諗咁多,一片丹心,先生同學話嗰日捐血日,咪去禮堂訓下囉,又可以上少兩堂,幾歡樂。

但係睇番紅十字會出完POST,後生(後咩生,FB 最多人用係三十歲)嘅反應,大致有三類:

1)我捐完啲血,你用來俾私家醫院,俾大陸富豪來香港做手術,搶香港醫療資源無本生利,我先唔會捐呀。

2)我日日返工咁辛苦,地鐵想坐又被人批鬥,你仲想我捐血救廢老?不了。

3)血庫少血你就恐嚇我詛咒我同屋企人入醫院,屌票都輸到仆街啦,你而家屌血呀?

呢啲留言,唔少係我真實認識嘅人,即係可以排除有一人多戶的假FB ACC 喺度刻意造假民意。

 

人嘅感覺好實在,所以我唔打算要譴責有呢啲諗法嘅人。

我反而睇到嘅,係而家個社會撕裂,人與人嘅互信,已經跌到「你死你事」,「你咁有錢不如俾錢求我救你丫」嘅界線。

都係嗰句,我只係指出呢個現況,唔係諗住糾正呢班人。

每個人有每一個決定,都有佢嘅原因,呢啲原因都係實在的,感受係實在的。如果社會有一群人,姑勿論大小群,普遍存在呢種諗法,社會領袖同埋賢達,就有社會責任。嗯,我呢啲咁樣先叫對準政權。

 

近年嘅香港,呢一代已經唔敢諗將來,天價嘅樓、無盡嘅工時、絕對空虛嘅就業前景,過到每一日我都好佩服自己。還好我嘅精神鴉片只係PS4 同埋SWITCH,唔吸毒唔會死,好似係。

我實在諗唔到一個動力,要我去做好人,喺呢個社會做好人,有好報咩?有個網友講得幾好,捐完血面青青腳軟軟,地鐵見到有位想坐,都仲要驚會唔會被兩蚊西批鬥,而批鬥你嘅嗰班人,就係最需要你包血嘅人,就係佢後生嗰炒高曬樓價而家等你受嘅人,諗到呢度,你仲想叫我捐血?滿街都係聖人?

如果你問我,我而家仲會唔會好似十六年前咁,唔知頭唔知路咁去做好人俾人吉?問得出口會猶疑都已經代表左一啲嘢……

我都想搵番以前嗰個自己……

 

PS:利申啦,自從十六年前嗰次,我每次抽血驗,都會訓喺度抽,防止自己暈低,醒曬先走,所以呢,我係未捐過血的,我係自私精,道德撚可以鬧我:)

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 159092
Date: 2017-05-06 15:58:37
Generated at: 2020-02-24 17:00:21
Permalink: https://www.vjmedia.com.hk/articles/2017/05/06/159092/我都想搵番以前嗰個自己,嗰個唔理3721就俾人吉嘅